1
Нүдээ аних
Ярилцаж байгаа хүн чинь нүдээ аньж байвал гадаад ертөнцөөс өөрийгөө тусгаарлахыг хүсэж буйг илтгэнэ. Энэ нь тухайн хүн танаас айж байгаа биш эсрэгээрээ танаас зайгаа барьж байгаагийн шинж юм.
2
Гараараа амаа дарах
Хүүхэд байхдаа бид ямар нэгэн зүйл хэлэхийг хүсэхгүй байгаа үедээ алгаараа амаа дардаг байсантай яг адил. Хэдэн хуруу, гараараа, эсвэл бүр гараа атгаж байгаад амаа дарж байгаа нь хэлэх гэж байсан зүйлээ больж байна гэсэн үг.
3
Шилнийхээ гарыг амандаа зуух
Найзыгаа шилнийхээ гарыг амандаа зууж байхыг харсан бол түүнд сэтгэлийн дэм өгөөрэй. Учир нь түүний сэтгэлийг ямар нэг зүйл зовоосон байж болзошгүй төдийгүй анхаарлаа бодит байдалд үл төвлөрүүлж байгаа хэрэг. Амандаа шилнийхээ гар, харандаа, бал зэргийг хийж, бодолхийлж суух нь тухайн хүнд ямар нэгэн асуудал байгааг илтгэнэ.
4
Царайны агуулга
Дүрмээр энэ арга нь эсрэг хүйстнээ өөртөө татах гэсэн үйлдэл бөгөөд гараараа тулж нүүрээ өргөх нь яг л “Царайг минь сайн хараад ав” гэсэн утгатай. Хэрвээ найз бүсгүй, эхнэр тань гараараа нүүрээ тулж таныг ширтэж суувал, түүнийг сайтар магтаад өгөх хэрэгтэй.
5
Эрүүгээ майжих
Энэ нь тухайн хүн шийдвэр гаргах гэж хичээж байгааг илтгэх бөгөөд харц нь дээшээ, доошоо, хажуу тийшээ хаашаа ч чиглэсэн байж болно. Түүнийг их л зүйл тунгааж байгаа гэж бодон, саад болохгүй байхыг хичээгээрэй.
6
Гараа зөрүүлэх
Хамгийн түгээмэл үйлдлүүдийн нэг. Энэхүү үйлдлийг хийж байгаа хүмүүс тав тухтай байдлыг мэдэрдэг болохоор, энэ нь бусдаас өөрийгөө хамгаалах бамбай болдог. Мөн гараа зөрүүлж, цээжин дээрээ барих нь болж буй үйл явдал огтхон ч таалагдахгүй байгааг илтгэнэ.
7
Гараа доош унжуулан барих
Эрэгтэй хүнд таалагдах гэж хичээх үедээ эмэгтэйчүүд энэ үйлдлийг хийдэг. Тэр цээжээ тэнийлгэж, хөлөө солбино. Гараа доош унжуулсан, нугалсан байдал нь эсрэг хүйстнийхээ сонирхолыг татах гэж хичээж байгаагийн илрэл юм.
8
Урагшаа тонгойх
Тухайн ярилцаж байгаа хүнээ өрөвдсөн, эсвэл түүний ярианд орж, улам ихийг сонирхож байгаа үед хүмүүс урагш тонгойж, ойртдог.
9
Хойшоо налах
Сандал дээрээ хойшоо налвал тухайн хүн уйтгартай ярианаас залхсан байдлыг илтгэдэг. Хэрэв таны болзож байгаа бүсгүй ийн сандлаа налж, хойш суувал, таны яриа түүний сонирхлыг татахгүй байна гэж ойлгон, өөр зүйлсийн тухай яриарай.
10
Хөл дээрээ догонцох (Өлмийнөөсөө өсгий рүү)
Дан ганц хүүхдүүд биш томчууд ч бас ингэдэг. Энэ нь тухайн хүн маш их сандарсан байгааг харуулна.
11
Гараа хооронд нь үрэх
Гарны хөдөлгөөн тархи юу бодож байгааг илэрхийлдэг гэдэг. Алгаа хооронд нь үрэх нь тухайн хүний сэтгэл санаа өндөр байгааг харуулж, тэр ямар нэг зүйлд амжилт гаргахыг зорьж байна гэсэн үг. Бид ирээдүйд гарах ашигтай зүйлийн талаар бодохдоо энэ үйлдлийг хийдэг.
12
2 гараараа гар барих
Гар барихдаа эсрэг хүн тань 2 гараараа хавсран атгаж байвал энэ нь тэр хүнийг таньд итгэж байгааг харуулна.
13
Гар барихдаа нөгөө гараа дээр нь тавих
Хэрэв хэн нэгэн гар барихдаа шууд энэ үйлдлийг хийвэл, эсрэг хүнээ өрөвдөж байна гэсэн утгатай. Харин удаан хугацаанд үргэлжлэх юм бол хэн нь удирдагч вэ гэдгийг мэдрүүлэхийг хүссэн үйлдэл юм.
14
Алгаа доош нь харуулж гар барих
Харилцагчынхаа гарыг доороос нь тосож авч барих нь тухайн хүн түүнд туслах хүсэлтэй байгааг илэрхийлнэ.
15
Гар барингаа биенд хүрэх
Сул байгаа гараараа тохойноос урагш, тохой эсвэл нуруунд ч хүрч болно. Энэ нь холбоо тогтоох хүсэлтэй байгааг илэрхийлдэг. Биед ойртох тусам хэр их хүсэж байгааг харуулдаг.
16
Зангиагаа янзлах
Энэ үйлдэл нь нөхцөл байдлаас шууд хамааралтай. Хэрвээ эрэгтэй хүн эмэгтэй хүнийг хараад зангиагаа янзалвал тэр эмэгтэй таалагддаг байх магадлалтай. Харин эсрэгээрээ тухайн эрэгтэй таагүй байгааг ч илэрхийлнэ. Худлаа ярьсан, байгаа орчиноо солихыг хүсэж байгаа тохиолдолд зангиагаа засдаг.
17
Байхгүй зүйлд анхаарлаа хандуулах
Санал нийлэхгүй, эсрэг байр суурьтай байгаагаа харуулахыг хүссэн үедээ хүмүүс цамцаараа оролдох, өмдөн дээр наалдсан үсээ авч хаях зэрэг үйлдлийг хийдэг. Нэг ёсондоо амаараа хэлэхгүй ч ойр тойронд нь болж буй үйл явдалд дүргүйцлээ илэрхийлж байгаагийн шинж юм.
18
Ширээн дээр хөлөө тавих
Иймэрхүү үйлдэл нь бүдүүлэг, том дарга гэдгээ харуулах гэсэн гэх зэрэг олон төрлийн утгатай.
19
Сандал дээр буруу харж суух
Ингэж суухад ихэнх хүмүүс дургүй байдаг. Энэ байрлалыг илүү сүр хүчтэй мэт харагдахыг хүссэн хүмүүс сонгодог аж. Хэрэв нөгөө хүндээ хүчтэй харагдахыг хүсвэл энэ байрлалаар сууж болох юм.
20
Гутлаараа тоглох
Хөлөө ачиж суух нь эмэгтэй хүнийг сайхан харагдуулдаг байрлал билээ. Харин хагас сугарсан гутлаараа тоглож, хөлөө ачиж суух нь тухайн эмэгтэй тав тухтай, тайван байгааг илэрхийлдэг байна.
21
Ширтэлцэх
Нүд сэтгэлийн толь гэдгээс гадна харилцааны гайхалтай хэрэгсэл билээ. Нүдээр дамжуулан бүх мэдрэмж, сэтгэл хөдлөлийг мэдэрч болно. Хосууд бие биенийхээ нүдрүү хараад хүүхэн хараа нь томорч байгааг анзаарах боломжтой. Энэ нь хүүхэн хараа тайван байх үеэс 4 дахин томордогтой холбоотой. Харин хүн ууртай байвал хүүхэн хараа жижгэрч, шош шиг болдог байна.
