1. Гоо сайханчийн ур чадварыг шалгах

Та салонд ороод гоо сайханч болон үсчинг ажлын багажтайгаа хэрхэн харьцаж байгаа болон хийж буй ажилдаа хэр зэрэг анхаарал хандуулж, сэтгэл гаргаж буйг нь анхаарч хараарай! Хэрэв энэ бүгд таны сэтгэлд нийцэж байвал, тухайн хүнээр үйлчлүүлэхэд асуудал үүсэхгүй юм.

2. Орчин, уур амьсгал ч мөн чухал

Цэвэр цэмцгэр байдлаас гадна, тухайн газраар үйлчлүүлэхэд танд хэр тав тухтай байгаа болон хүмүүсийн харилцаа ямар болох нь чухал байдаг. Танд таагүй сэтгэгдэл төрүүлсэн, онцгүй уур амьсгалтай бол нэг их үйлчлүүлэх гэж яарсны хэрэггүй болов уу.

3. Үнэтэй гээд сайн байдаггүйг санаарай!

Хүмүүс үнэтэй л бол сайн үйлчилгээтэй, шилдэг салон байдаг хэмээн эндүүрдэг. Гэвч энэ нь өрөөсгөл ойлголт юм. Мэдээж зэрэглэл өндөртэй, үнэтэй салон нь танд өндөр сэтгэгдэл төрүүлэхийн тулд сайн үйлчилгээг үзүүлэх ч, үүгээр ажилчдын мэргэжлийн ур чадварыг үнэлж болохгүй.

4. Гоо сайханчийн харилцаа

Үйлчлүүлэгч бүртэйгээ халуун дулаанаар харилцан, дотны хүн шигээ сэтгэл гарган зөвлөх, сайхан ааштай хүнээр үйлчлүүлэх үнэхээр сайхан байдаг шүү дээ. Иймд танд аль болох тааламжтай үйлчилгээ үзүүлдэг, мэргэжилдээ сайн тийм хүнийг сонгоорой.

5. Хэр олон үйлчлүүлэгч үйлчлүүлж байгааг харах

Хамгийн зөв бөгөөд найдвартай аргуудын нэг бол тухайн газраар үйлчлүүлдэг хүмүүс болон хэр олон хүмүүс байгааг харах явдал юм. Сайн үйлчилгээтэй газрууд мэдээж бужигнасан их хүнтэй байх албагүй ч, тэд хэдийн байнгын үйлчлүүлэгчидтэй болсон байдаг билээ.

6. Цэвэр цэмцгэр эсэх

Өөдлөх айл үүднээсээ гэдэгчлэн, үүдээр нь орж ирэхэд л таныг эмх цэгцгүй, тоос шороотой бохир орчин угтаж байвал, тэд жижиг гэлтгүй бүхий л зүйлсэд салан задгай, хайнга ханддагийн илрэл юм.