1
Тослог арьс
- Тослог арьсыг таних тэмдэг бол нүүрний “Т” хэсгийн дагуу тослогтож, батга гарах юм. Хэрвээ та тослог арьстай бол А витаминыг түлхүү хэрэглэж байх хэрэгтэй. Тиймээс чангаанз, манго, лууван, өндөгний шар, бууцай, амтат төмсийг байнга хэрэглэж байгаарай.
- Хэрвээ таны нүүрэнд дээр батга гараад байгаа бол арьс арчилгааны бүтээгдэхүүнээс гадна идэж буй хоол хүнсэндээ сайн анхаарах хэрэгтэй. Ялангуяа жимс, хүнсний ногоо, хушга, маалингын үр, далайн байцай, далайн бүтээгдэхүүн, загас зэрэг нь арьсанд маш сайн нөлөөтэй.
2
Хуурай арьс
- Е витамины дутагдлаас болж арьс хуурайших нь бий. Түүнчлэн шарсан, хайрсан, тос ихтэй хоолноос татгалзах хэрэгтэй. Хоол хүнсэндээ шош, далайн байцай, өндөг, буурцаг, авокадо, самрыг өргөнөөр хэрэглээрэй.
- Мөн холестролын түвшин багасах нь арьс хуурайшихад нөлөөлдөг тул мах, загас, далайн бүтээгдэхүүн сайн хэрэглэх хэрэгтэй.
3
Нөсөө, толбо
- Батга үүссэн арьсны өнгөн хэсэгт өөрчлөлт орох нь С, Е витамин болон антиоксидант дутагдалтай байгааг илэрхийлнэ. Эдгээрийг нөхөхийн тулд цитрусын төрлийн жимс, гүзээлзгэнэ, киви, анар болон улаан лооль сайн идэх хэрэгтэй.
- Түүнчлэн нарны хурц гэрэлд удаан байх нь нөсөө толбо үүсгэх нөхцөл болдог. Нарны туяанаас арьсаа хамгаалахын тулд антиоксидантаар баялаг хүнс буюу жимсгэнэ, усан үзэм, хан боргоцой, чавга, байцай, бууцай, гурвалжин будаа сайн идэж байгаарай.
4
Үрчлээ
- Антиоксидантаар баялаг болон жимс, хүнсний ногоо сайн хэрэглэх.
- Ногоон өнгөнтэй хүнсний ногоонууд, бууцай, шанцай, хаш, сонгино, сармис нь сайн нөлөөтэй. Харин мах, элсэн чихэр, тосны хэрэглээгээ багасгах хэрэгтэй.
Та гэрийн нөхцөлд, гарын доох хүнсний бүтээгдэхүүнээр хэрхэн маск бэлтгэх тухай мэдэхийг хүсвэл ЭНД дарж үзнэ үү.
