1 Бяслагтай гоймон

Уг нь бол гоймонг өглөөний цайнд идэхэд тохиромжгүй гэдэг. Гэвч гоймон нь удаан шингэдэг учраас та хэрвээ өдрийн цагаар өлсөхийг хүсэхгүй байвал өглөө бага зэргийг идэж болох юм. Гоймонг самар, бяслагтай хольж идэх, эсвэл тэдгээрээр соус бэлдэж идвэл хамгийн сайн өл даах хоолнуудын нэг болно.

2 Фалафель

Фалафель бол цагаан хоолтнуудын идэх дуртай, тэжээллэг хоолнуудын нэг юм. Үүнийг хийхийн тулд вандуйг нухаж, жижиглэн, бөөрөнхий болгоод амтат талханд ороож иддэг байна. Энэ нь маш их шим тэжээлтэй төдийгүй, цатгалан мэдрэмжийг төрүүлэх болно. Орцонд нь вандуйнаас гадна халуун ногоо, шош гэх мэт ногоонуудыг нэмж өгвөл, салахын аргагүй амттай болох аж.

3 Хальстай нь болгосон төмс

Бид энэхүү орцондоо зөвхөн төмсийг дурдах гэсэнгүй, харин түүний хальс нь хүний биед онцгой сайн нөлөөтэй. Тухайлбал, төмсний хальс нь полисахарид, цайр, төмөр, магнигаар баялаг учраас таны өдрийн турш авах ёстой шим тэжээлийн ихэнхийг өөртөө агуулдаг. Харин та өглөөний цайндаа багахан төмсийг хальстай нь чанаж, эсвэл шарах шүүгээнд шарж идсэнээр, өдрийн турш цатгалан байх болно.

4 Самартай шоколадан десерт

Амттан нь өлсгөлөн мэдрэмжийг богино хугацаанд дардаг гэдгийг та мэдэх бизээ. Харин элсэн чихэр, амт оруулагч бодисгүйгээр цэвэр хар шоколадаар бялуу хийж идсэнээр, таны жинг нэмэхгүйгээр цатгалан мэдрэмж өгч чадна.

5 Шинэхэн бөөрөлзгөнө

Та бөөрөлзгөнийг дангаар нь эсвэл тараг, бялуу гэх мэттэй хольж идсэнээр, ойрын 5-6 цагтаа л өлсөхгүй болов уу. Бөөрөлзгөнө нь өөртөө ислэг ихээр агуулдаг учраас цатгалан мэдрэмж төрүүлдгийн зэрэгцээ найрлаган дахь С витамин нь өөхийг шатаахад туслах болно.

6 Далайн замаг

Далайн замаг нь мөн л ислэгээр баялаг тул ходоод гэдсэнд удаан шингэж, өдрийн турш цатгалан мэдрэмжийг төрүүлнэ. Далайн замгийг та хоолонд хийж, эсвэл кимбабанд ороож, хэрэглэж болно.

7 Эрдэнэ шиш

Эрдэнэ шиш нь эрүүл мэндэд зарим талаараа сөрөг нөлөөтэй боловч, хүний биед хэрэгтэй элементүүдийг ч агуулдаг байна.

8 Ямааны сүүгээр хийсэн бяслагтай хачиртай талх

Ямааны сүү нь линолын хүчил ихээр агуулдаг тул хүнд цатгалан мэдрэмжийг төрүүлдэг. Ямааны сүүгээр хийсэн бяслаг нь давс багатай тул биед сөрөг нөлөөгүй бөгөөд талхтай холиод идэхэд тун сайхан амттай байх болно.

9 Халуун чинжүүний соус

Халуун ногоо идсэнээр удаан хугацаанд өлсөх мэдрэмжийг үгүй хийдэг байна. Мөн өл дарахаас гадна өөхийг хайлуулах нөлөөтэй. Харин та халуун ногоотой хоол идсэнийхээ дараа хангалттай ус уухаа мартав аа.

10 Хуш модны самар

Хуш модны самрын чөмөг нь маш жижигхэн боловч найрлагадаа үл орлуулагч амин хүчил, нүүрс ус, манган, зэс, цайр, кобальт, йод, А, Е витамин, кали гэх мэт хүний биед хэрэгтэй маш олон элементүүдийг агуулдаг байна. Та өглөөний цайгаа уусныхаа дараа багахан самар идвэл нэг хэсэгтээ л өлсөхгүй.

11 Нэмэлт мэдээлэл: Хар кофе

Кофе нь антиоксидант үйлчилгээтэй тул та хоолныхоо араас нэг аяга хар кофе ууснаар, идсэн хоол тань арай удаан шингэх болно. Харин та кофендоо сахар, сүү хийж уувал энэ чанар нь алдагдана. Кофены амтыг өвөрмөц болгохын тулд синнамоныг хийж, туршиж үзээрэй.

Хэрвээ та удаан хугацаанд цатгалан байхыг хүсвэл эслэгээр баялаг хоол хүнсийг сонгож хэрэглээрэй!