1 Тэд бол нэгдэж чаддаг үндэстэн

• Арал дээр байрлахын онцлог: Эх орон нь бүхэлдээ далайгаар тусгаарлагдсан байхад бусад улс, үндэстэнтэй харилцах амаргүй. Гэхдээ Их Британи ч бас арлын орон шүү дээ. Тэднээс ялгаатай нь Япончууд хоорондоо нэгдэн, нягтарч, нэг хүн шиг байж чаддаг.
• Газар нутгаа өргөтгөх хандлагагүй: Европын уур амьсгал нь тариа тарих, мал амьтан үржүүлэхэд таатай. Тиймээс тэдэнд газар нутгаа тэлэх сонирхол заавал төрдөг байна. Тиймээс л Европчууд бүхий л түүхийнхээ хугацаанд газар нутгийн төлөө дайтсаар ирсэн.  Харин Японы уур амьсгал нь загас агнуур хийх, будаа тарихад маш тааламжтай. Тиймээс тэд өөр газар нутгийн эрэлд гарах бус, нэг зүйлд анхаарлаа төвлөрүүлэх чадвар сайтай байдаг.

2 Хүний биеийн тухай ойлголт

Хүний бие цогцостой холбоотой хандлагууд Өрнө, Дорныхны хувьд тэс өөр. Библээс харвал хүний бие, гадаад үзэмж чухал биш, харин зүрх сэтгэл нь гол нь гэдэг бол Азиудын хувьд бие махбод нь сэтгэл зүрхтэйгээ адил халдашгүй, ариун байх ёстой гэж заажээ. Тиймээс л тэд өдөр бүр усанд орж, байнга цэвэрхэн хувцаслаж явахыг хичээдэг байна.

3 Тэд маш шаргуу ажилладаг

Дээр үед Японд, бүлгийн хэн нэгэн алдаа гаргавал бүгд цаазлуулдаг хуультай байжээ. Тэдний энэ сэтгэлгээ нь одоо ч хэвээрээ төдийгүй тэд ажлынхаа төлөө хувийн амьдрал, цаг зав, бүх л зүйлээ зориулдаг аж. Тэд ажлаа таслах, удаан хугацаагаар амралт авахыг тэвчдэггүй гэнэ. Хүн амын дийлэнх хувь нь долоо хоногт дор хаяж 9 цаг илүү ажилладаг. Үүнээсээ болж ядрах, стрессдэх нь энүүхэнд бөгөөд ажлын байран дээрээ амьсгал хураах тохиолдол ч гардаг аж. Тиймээс л тэд амралтын цагаа маш зөв зарцуулдаг байна.

Японы сурталчилгаанууд нь үнэхээр хачин

Япончууд өөрийнх нь асуудлыг шийдэж чадах юуг ч талархан хүлээн авдаг. Мөн ихэнх сурталчилгаанууд нь хүмүүсийг инээлгэхэд чиглэгдсэн, хачирхалтай хэлбэр, дүрстэй байдаг байна.  Учир нь Японы зах зээл маш том, өрсөлдөгч ихтэй учраас бүтээгдэхүүнээ борлуулахын тулд заавал ямар нэгэн этгээд, гаж элементийг шингээж өгдөг ажээ.