1 Гоёмсог даашинз

Сүүлийн үед охид бүсгүйчүүдийн дунд цагаан футволкан дээр торон оруулгатай, торгон даашинзыг өмсөх нь трэнд болоод байна. Энэ нь өмссөн бүсгүйгээ үнэхээр халуухан, дур булаам харагдуулдаг юм.

Санамж: Энэ мэтчилэн хувцаснуудыг хослуулж өмсөх хэрэгтэй. Аливаа шинэ зүйлсийг эрэлхийлж, стилиэ өөрчлөөрэй. 

2 Урт, бариу банзал

Урт бариу банзал нь эмэгтэй хүн бүрт байдаг гэдэгт эргэлзэхгүй байна. Энэ нь биеийн галбирыг тодотгож, гоё сайхан харагдуулдаг бөгөөд эрчүүдэд маш их таалагддаг аж. Иймд та болзоондоо очихдоо уг хувцсыг сонгон өмсөж болох юм. 

Санамж: Ямар ч төрлийн хувцсанд зохицдог тул, өдөр тутамдаа өмсөж болно. 

3 Бүсэн корсет

Бэлхүүсийг нарийхан харагдуулах бүсэн корсет нь таныг ямар ч тохиолдолд халуухан харагдуулах болно.

Санамж: Корсетээ хэт чангалахаас сэргийлээрэй. Энэ нь таныг амьсгалахад хүндрэл үүсгэхээс гадна, тухгүй харагдуулна. 

4 Өндөр суудалтай, загварлаг жинс

Хэзээ ч моодноос гардаггүй, загварлаг жинсэн өмд таныг гайхалтай харагдуулж чадна. Сүүлийн үед охидын тэргүүн сонголт болсон өндөр суудалтай, трапец хэлбэртэй жинсэн өмд өмсөж, хөлөө илүү урт, халуухан харагдуулаарай.

Санамж: Та өндөр суудалтай, трапец хэлбэртэй өмдөө спорт пүүзтэй хослуулж өмсөхөөс татгалзаарай. Үүний оронд арьсан гутал, өндөр өсгийтөөс сонголтоо хийгээрэй. 

5 Мөрөө гаргасан хувцас өмсөх

Мөрөө гаргасан хувцас өмсөхөөс бүү эмээгээрэй. Энэ нь таныг маш дур булаам харагдуулахаас гадна биед эвтэйхэн байдгаараа онцлог юм. Зоригтой алхам хийж, өөрийнхөө хувцаслалтанд шинэчлэл хийснээр, та дахин төрсөн мэт л санагдах болно. 

Санамж: Мөрөө гаргасан цамц өмссөн тохиолдолд аль болох өөртөө итгэлтэй, харц дээгүүр байх шаардлагатай.

6 Дэгжин трико

Тод өнгийн, содон триконоос бүү татгалзаарай. Энэ нь таныг өөртөө итгэлтэй, бусдаас өвөрмөц харагдуулах давуу талтай. Мөн гоёмсог трико нь эрчүүдийн харааг булааж, хүслийг өдөөдөг шидтэй билээ. 

Санамж: Гутал, даашинз эсвэл юбкатайгаа ижил өнгийн трико өмсөх нь таны хөлийг урт харагдуулна. 

7 Томдсон цамц

Сулавтар загвартай цамц таныг үнэхээр дур булаам харагдуулж чадна. Цамцны нэг мөр нь унаж, цээжийг тань хагас гаргах нь ямар ч залуугийн анхаарлыг татаж, сэтгэлийг догдлуулах болов уу. 

Санамж: Тус төрлийн нэвсгэр, ноосон цамцыг торон банзалтай хослуулж өмсөх боломжтой юм. 

8 Пиджак

Дэгжин, чамин загвартай пиджакыг өмсөж, бусдаас өвөрмөц харагдаж болох юм. Энэ нь таны дур булаам, өөртөө итгэлтэй байдлыг илүү тодотгож өгнө. 

Санамж: Та пиджак өмсөж байгаа тохиолдолд гоёл чимэглэлээ тохируулж зүүгээрэй. 

9 Урт бариу даашинз

Биеийн галбирийг илтгэж, илүү эмэгтэйлэг, дур булаам болгох, бариу даашинзыг өмсөж байгаарай.

Санамж: Даашинзны өнгөнөөс эмээх шаардлагагүй. Тод өнгөтэй байх тусмаа таныг сайхан харагдуулах болно. 

10 Нуруу ил гарсан загвартай даашинз

Нуруу ил гарсан даашинз өмсөн бүсгүйн хажуугаар өнгөрөх залуу бүр түүн рүү эргэж харахгүй байж чаддаггүй. Энэ нь эмэгтэй хүний гоо сайхныг илүү тодотгож, халуухан төрхийг бүрдүүлдэг байна. Та олон залуусын харцыг өөртөө унагаж, охид бүсгүйчүүдийн атаархлыг төрүүлэхийг хүсвэл энэхүү загварын цамцыг сонгож өмсөөрэй. 

Санамж: Та тус төрлийн даашинз өмссөн тохиолдолд, аль болох нуруугаа цэх байлгаж, ихэмсэг байхыг хичээх хэрэгтэй. 

11 Эрэгтэй цамц

Эрэгтэй хүний цамц нь эмэгтэй хүнд илүү сайхан зохидог болохыг та мэдэх үү? Бага зэрэг томдсон, нэвсгэр эрэгтэй цамц нь ямар ч эмэгтэйг дур булаам харагдуулдаг.

Санамж: Тус цамцыг өмссөн тохиолдолд тод өнгийн гоёл чимэглэл зүүх ёстойг мартуузай. 

12 Өндөр өсгийтэй гутал

Өндөр өсгийт өмссөн ямар ч бүсгүй дур булаам, сайхан харагддаг. Энэ нь биеийг цэгцтэй, хөлийг урт, халуухан харагдуулж, эрчүүдийг галзууруулдаг аж. 

Санамж: Хэт өндөр, зузаан өсгийтэй гуталнаас татгалзаарай. Мөн хиймэл арьсан, загвар муутай өндөр өсгийт нь таны хөлний гоо сайханг гундааж мэдэх тул, гутлаа зөв сонгох шаардлагатай. 

13 Торон оруулгаатай хувцас

Охид бүсгүйчүүдийн дунд трэнд болон дэлгэрээд байгаа торон оруулгатай хувцас нь эмэгтэйлэг, зөөлөн төрхийг тодотгож, илүү дур булаам болгож өөрчилдөг. 

Санамж: Та торон оруулгатай цамц өмссөн бол энгийн өмд, банзал өмсөх шаардлагатай. Ингэснээр таны цамц илүү тодорч, гайхалтай харагдах болно. 

14 Савхин хүрэм

Савхин хүрэм ямар ч үед өмсөхөд хамгийн тохиромжтой, хэзээ ч хоцрогдохгүй дэгжин хувцаснуудын нэг юм. Энэ нь таныг маш хүчирхэг, загварлаг, мөн дээрээс нь халуухан харагдуулж чадна.

Санамж: Хар савхин хүрмийг цагаан даашинзтай хослуулж өмсөхөд төгс харагддаг. Үүнтэй адил та эсрэг зүйлсийг хооронд нь зохицуулж өмсөөрэй. 

15 Өндөр суудалтай шорт

Өндөр суудалтай шорт нь таны хөлийг урт харагдуулах төдийгүй дур булаам төрхийг бүрдүүлнэ. 

Санамж: Та өндөр суудалтай шортыг пүүз, өндөр өсгийт, урт түрийтэй гутал, сандал, үргэлж ултай сандал гэхчлэн төрөл бүрийн гутлан дээр тохируулан өмсөж болно.