1
Хөлд эвтэйхэн байх
Тухайн гутлыг өмсөөд тодорхой хугацаанд алхах, явах үед өвдөг, шилбэ, хөл тэр чигээрээ өвдөх, тухгүй байдал мэдэгдэж байвал, танд тус гутал тохирохгүй байгааг илтгэж байна. Мөн таны өмсөж байгаа хуучин гутал ижил мэдрэгдвэл яаралтай өөр гутлаар солиорой. Эс бөгөөс эрүүл мэндэд ноцтой аюул учруулж мэднэ.
2
Хуучирч муудсан гутлаа солих
Хэт хуучирч муудсан гутлыг өмсөхөд хальтрах, улмаар унаж бэртэх асуудлууд тулгарна. Учир нь гутлын ул нь барзгар шинж чанараа алдаж, элэгдэлтийн улмаас гөлгөр ултай болсонтой холбоотой юм. Харин шинэ гутал авахдаа та аль болох барзгар ултайг сонгож байгаарай. Энэ нь гишгэх гадаргуутай шүргэлцэж, унаж бэртэхээс хамгаална.
3
Нэг гуталтайгаа удаан явах
Гутлыг тодорхой хугацаа өнгөрсний дараа заавал сольж, хөлөө амрааж байх хэрэгтэй. Нэг гуталтайгаа тасралтгүй хол явган явах, удаан хугацаанд теннис, сагсан бөмбөг тоглох, аеробекийн дасгал хийх зэргүүд нь хөлийг маш их өвтгөх болно. Тиймээс ч гүйлтийн тамирчид гутлаа 2-3 удаа сольж сэлгэж өмсдөг.
4
Жиндээ тааруулах
Хэрэв та хөнгөн жинтэй байгаад 750 км газрыг гүйнэ гэж бодвол, энэ нь харьцангуй эрсдэл багатай юм. Харин таны жин 90 ба түүнээс дээш бол, таны гүйх зай 500 км-ээс илүү байх ёсгүй байна.
5
Гуталны уян хатан байдлыг шалгаж, мушгих
Шинэ гутал авахаасаа өмнө гутлыг улыг мушгиж, эргүүлж үзээрэй. Хэт уян, зөөлөн пүүз нь эдэлгээ даах чадвар муу байдаг. Мөн таны хуучин гутал энэ мэтээр муудсан бол, та шинэ гутал авах цаг нь болжээ.
6
Өлмийн материалыг шалгах
Гутлаа шалгахдаа гутлын өлмий болон өсгий хэсэгт дарж үзээрэй. Хэрэв ийнхүү дарахад тухайн хэсэг хонхой байвал таны гутал муудсан бөгөөд солих хэрэгтэй юм. Мөн шинэ гутал авахдаа аль болох бат бөх, зузаан материалтай, зөөлөн ултайг сонгож байгаарай.
7
Өсгий хэсгийг шалгах
Шинэ гутал авахдаа гутлын өсгий хэсгийг сайтар шалгах хэрэгтэй бөгөөд өсгий нь хөндий эсэх, мөн хэт хатуу байхаас сэргийлэх хэрэгтэй. Хэрэв таны гутлын өсгий муудаж, элэгдсэн бол солих болсныг илтгэж байгаа юм. Мөн тэгш гадаргуутай газар пүүзний ул жигд хүрэхгүй байвал гутлаа даруй солих хэрэгтэй юм.
8
Хөл холгосон гутал авахгүй байх
Гутлаа анх авахдаа, таны гутал хөлд хэр эвтэйхэн байгаа, хөлийн аль нэг хэсэгт нухаж, холгож байна вэ? гэдгийг сайтар анзаарч, шалгах хэрэгтэй. Эс бөгөөд таны хөл шархалж, халдвар авах эрсдэл нэмэгдэх юм. Мөн өмсөж буй гутал тань гадна талаасаа хуучраагүй мэт боловч, өмсөхөд хөл нухах, холгох мэдрэмж төрүүлж байвал дотор хэсгээсээ муудаж, элэгдсэнийг илтгэнэ. Иймд шинэ гутал авах хэрэгтэй байна.
Дээрх мэдээлэл таны эрүүл мэнд болон, ажлын эрч хүч, бүтээмжийг сайжруулна гэдэгт бид эргэлзэхгүй байна.
