Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Эмэгтэй хүн бүр л Холливуудын одууд шиг үзэсгэлэнтэй харагдахыг хүсдэг. Гэхдээ чухам яаж гэдгээ мэддэггүйг нуух юун. Бид өнөөдөр нийт охид бүсгүйчүүддээ зориулан одууд шиг дур булаам харагдах аргуудаас хуваалцахаар бэлтгэсэн юм.
Нүдэндээ контур зурахдаа үргэлж болгоомжтой байх хэрэгтэй. Хэт урт, өргөн контур нь болхи харагдуулах сул талтай тул нарийн атлаа нүдний төгсгөлөөс бага зэрэг илүү гарсан контур зураарай. Мөн өнгөний тухайд хар өнгө хамгийн тохиромжтой боловч, олон өнгөнүүдийг туршиж үзэхэд гэмгүй.
Нүүрэндээ хөнгөн гялалзуулагч түрхэж, төгс төрхийг бүрдүүлээрэй. Энэ нь таны нүүр будалтыг илүү дээд түвшинд аваачиж, халуухан харагдуулах болно.
Охид бүсгүйчүүд маань нүүрээ будахдаа хацраа өнгөлөхийг мартдаг. Гэвч энэ нь нүүр будалтын салшгүй хэсэг гэдгийг мартаж болохгүй. Хацар өнгөлөгч түрхсэнээр таныг илүү эрүүл, үзэсгэлэнтэй харагдуулах аж. Та хацрын ясны дээрээс доош чиглэлд хөнгөн өнгөлөгч түрхээрэй.
Судлаачид улаан өнгө нь залуу нас, эрх чөлөөг илэрхийлж, эрчүүдийн харцыг булаадаг болохыг олж тогтоосон юм. Гэхдээ та улаан өнгөөр уруулаа будахдаа нүүр будалттайгаа тохируулах хэрэгтэйг мартуузай.
Гялалзсан нүдний тень нь сүүлийн үед охидын тэргүүн сонголт болоод байгаа билээ. Энэ нь үдэшлэг цэнгүүн, улаан хивсний ёслолд очиход гайхалтай тохирох боловч, өдөр тутмын нүүр будалтанд хэт хүнддэж мэднэ. Та өдөр тутмын нүүр будалтандаа зөөлөн өнгийн гялалзуулагч ашиглаж болох бөгөөд хэтрүүлж түрхэхээс зайлсхийгээрэй.
Өтгөн хөмсөг нь үргэлж сайхан харагддаг гэдэгтэй хэн ч маргахгүй. Гэхдээ та төрөлхийн өтгөн хөмсөгтэй биш л бол хэт тодруулж, өргөн болгож будах гэсний хэрэггүй юм. Энэ нь харин ч таныг эсрэгээрээ овортой, мэдрэмжгүй мэт харагдуулах сөрөг талтай. Сүүлийн үед мэргэжлийн нүүр будагчид болон Холливуудын алдартнууд хөмсгөө хэт тодруулж будахаас зайлсхийж, байгалиар нь байлгахыг эрхэмлэх болсон юм.
Бид үргэлж нүүрээ олон давхарлаж будан, өө сэвээ дарлаа гэж боддог. Гэвч энэ нь эсэргээрээ улам бүр өөтэй харагдуулдаг байна. Одоо хүн бүр л хэт их будаагүй нүүрэнд дурлах болсон тул та ч бас крем, пудрээ багасгаад үзээрэй. Ингэхдээ ВВ, СС зэрэг кремийг сонгож, нимгэн түрхэж болох юм. Энэ нь таны өө сэвийг хөнгөн дарахаас гадна будаагүй мэт харагдуулдаг давуу талтай.
Смөүки нүдний будалтыг хийх их ажиллагаатай аж. Хэрэв та зөв будахгүй бол яг л панда баавгай шиг харагдаж мэднэ. Та үдшийн цэнгүүн, хүлээн авалт зэрэгт явахдаа тус будалтыг сонгож, нүдээ тодруулж болох юм. Харин өдөр тутмын будалтанд хэт хүнддэх тул аль болох татгалзаарай.
Та зөөлөн чихэрний өнгөтэй уруулын будгийг сонгож, өдөр тутамдаа хэрэглээрэй. Энэ нь таныг дур булаам харагдуулах болно. Гэхдээ болзоонд явахдаа гялалзсан уруул өнгөлөгч хэрэглэж болохгүй бөгөөд энэ нь эрчүүдэд төдийлөн таатай сэтгэгдлийг төрүүлдэггүй билээ.
Натурал нүүр будалт үеийн үед трэнд болсоор ирсэн юм. Та ч бас нүүрээ хэт тод будахаас татгалзаж аль болох зөөлөн, хөнгөн будаж хэвшээрэй. Таныг чимэх хамгийн гол зүйл бол инээмсэглэл юм шүү.
Холливуудын хатагтай нарын бусдаас ялгарах нэгээхэн онцлог нь инээмсэглэл байдаг. Тэдний танан цагаан шүд хүн бүрийн харцыг булаадаг нь гарцаагүй. Харин та шүдээ цайруулахын тулд хүнсний содыг шүдний оотой хольж, шүдэндээ түрхээд гадуур нь тугалган цаасыг нааж тогтоогоорой. Ингээд та нэг цагийн дараа тугалган цаасаа авч шүдээ угаагаарай. Одоо харин хүн бүр таны шүд цагаарч, гялалзаж байгааг хараад гайхах болно.
