1 Хар батга гарах шалтгаан

Нүүрний будгаа арилгахгүй унтах, хөлөрсөн үедээ шороо, тоостой зууралдах, нүүрний тослог хэт ихсэх үед хамрын арьсан дээр батга гарч, улмаар үрэвсдэг байна. Ялангуяа холимог болон тослог арьстай хүмүүсийн хамран дээр батга их гардаг ажээ. 

2 Хэрхэн арилгах вэ?

Хар батгыг арилгахад та дараах зүйлсийн тусламжтай "бэлдмэл" хийх хэрэгтэй бөгөөд үүнийгээ зааврын дагуу хамран дээрээ түрхэхэд хар батганаас ангижрах бүрэн боломжтой юм. 

Хэрэг болох зүйлс:

• Гаатай оо - 2 хоолны халбага
• Давс - 1 хоолны халбага
• Мөс - 2-3 ширхэг

Хийх заавар:

1. ​Давс болон гаатай оогоо сайтар холино.
2. Бэлэн болсон бэлдмэлээ хамрынхаа батгатай хэсэгт түрхэж, 5 минут байлгана.
3. Үүнийхээ дараа тухайн хэсгээ усаар угааж, цэвэрлэнэ. Ингэхдээ массаж хийж байгаа мэт хамрандаа зөөлөн хүрч цэвэрлээрэй.
4. Хамгийн сүүлд нь мөсөөр хамраа зөөлөн арчаарай. 

Ингэснээр хамрын нүхжилтийг үгүй хийж, хар батгыг арилгах юм. 

3 Үзүүлэх нөлөө

Давс нь арьсыг цэвэрлэх байгалийн "антибиотик" бөгөөд гаатай оо-той хольж хэрэглэвэл батганы эсрэг гайхалтай нөлөө үзүүлдэг байна. Харин гаатай оо нь батга гарахад хүргэж буй бактерийг утсгадаг ач тустай ажээ. 

Танд амжилт хүсье!