1 Угаалтуур цэвэрлэнэ

Шарлаж, бохирдсон угаалтуур, ванныг цэвэрлэхдээ хүнсний содыг ашиглаарай. Эхлээд содаар бохирдож, шарласан хэсгийг үрж, хэсэг хугацаанд байлгасны дараа угаах хэрэгтэй. 

2 Хаг арилгана

Үс тань хагтсан бол хүнсний соданы тусламжтайгаар асуудлаасаа салаарай. Содыг устай хольж зуурмаг болгоод үсэндээ түрхэж, хэсэг хугацааны дараа угаана. 

3 Хувцасны толбо арилгана

Хувцсан дээр тогтсон толбыг арилгахад хүнсний сода нь маш том тус хүргэх аж. Та толботой хэсэгт содны зуурмагыг тавьж, 5-10 минут байлгасны дараа үрж угаагаарай. 

4 Шинэхэн жимс, ногоог угаах

Та жимс, ногоог угаахдаа содатай ус ашиглаарай. Энэ нь бохирдол, нян бактерийг илүү сайн устгах аж. 

5 Тавилга цэвэрлэх

Хөргөгч болон шүүгээний муухай, удсан үнэрийг дарахын тулд аяганы талаар сода хийж шүүгээний буланд тавиарай. Нэг хоногийн дараа гэхэд эвгүй үнэр арилсан байх болно

6 Хумс бэхжүүлнэ

Хэрэв хумс тань хэврэг болж, амархан хугараад байвал хүнсний содыг устай зуурч, хумсандаа түрхээрэй.

7 Гарны эвгүй үнэр арилгана

Сонгино, сармис, загасны мах гээд хурц үнэртэй хүнсний бүтээгдэхүүн барьсны дараагаар гараа хичнээн угаасан ч үнэр нь арилдаггүй шүү дээ. Тэгвэл савангаар нэг удаа угаачихаад, дараа нь бага зэрэг содаар яг савангаар угааж байгаа юм шиг үрж угаагаарай.

8 Махны модыг цэвэрлэх

Махны модыг яг л шинэ мэт өөгүй, элдэв үнэр, бохирдолгүй болгоё гэвэл хүнсний содаар үрж, угаах хэрэгтэй. Үүний дараа цэвэр усаар зайлахад махны мод шинэ мэт сайхан болсон байх болно.

9 Хөлс дарагчийг орлоно

Хэрэв танд хөлс дарагч байхгүй бол хүнсний содыг ашиглаж болно. Хүнсний содыг сугандаа түрхэхэд л хангалттай. 

10 Амны эвгүй үнэрийг арилгана

Амнаас тань эвгүй үнэр үнэртээд байна уу? Тэгвэл өглөө оройдоо шүдээ угаасныхаа дараа нэг стакан буцалсан усанд нэг жижиг халбага сода хийж хутгаад зайлж байгаарай.