1
Яагаад өвчилдөг вэ?
Үтрээнд үрэвсэл үүсч, мөөгөнцөртөхөд хэд хэдэн шалтгаан бий.
- Антибиотикийн хэрэглээ
- Жирэмслэлтээс хамгаалах эмний хэт их хэрэглээ
- Чихрийн шижин өвчин
- Дархлааны систем муудсан
- Илүүдэл жин
- Ариун цэвэр сахиагүй
Эдгээр шалтгааны улмаас та үтрээний мөөгөнцөртэй болж мэдэх юм. Мөн үүнээс гадна өөр шалтгаанууд ч бас байх аж.
- Хэт их хэмжээний антибиотик хэрэглэж, бие дэх бактериа устгах гэж оролдох нь эсрэгээрээ үтрээний мөөгөнцөртэй болох эрсдлийг нэмэгдүүлдэг.
- Бариу дотуур өмд тогтмол өмсөх нь үтрээнд сөргөөр нөлөөлж, өвчлөх шалтгаан болдог.
- Үтрээнд хэсэгтээ "тальк" болон элдэв төрлийн тос түрхэж, саван хэрэглэх нь тийм ч зөв үйлдэл биш юм.
Шинж тэмдэг:
- Ичимдэг эрхтэн маш ихээр загатнах
- Доошоо эвгүй үнэртэй, өтгөн зүйл гарах
- Үтрээ орчмын арьс улайх
- Бие засахад хөндүүрлэх
- Сексийн үеэр өвдөлт мэдрэгдэх
2
Хэрхэн сэргийлэх вэ?
- Уураг, амин дэмээр баялаг хоол хүнс хэрэглэж, эрүүл амьдралын дэглэмийг баримтлаарай.
- Цусан дахь сахарын хэмжээгээ хянаж, тогтвортой байлгахыг хичээгээрэй. Энэ нь таныг үтрээний мөөгөнцөртэй болохоос сэргийлнэ..
- Хэрэгцээгүй нөхцөлд антибиотик хэрэглэхгүй байх хэрэгтэй.
- Сексийн үед хамгаалалт хэрэглэж, ариун цэврээ сахиарай.
3
Үтрээний ариун цэврийг хэрхэн сахиж, эрүүл байлгах вэ?
Үтрээ нь биеийн хамгийн эмзэг хэсэг тул анхаарал, халамж шаардаж байдаг. Үүний тулд та дараах арга хэмжээг аваарай.
- Та үтрээгээ угаахдаа зориулалтын саван ашиглаж болох бөгөөд дараа нь цэвэр усаар зайлах хэрэгтэй.
- 00-ын цаас хэрэглэхдээ үргэлж дотор талыг нь эргүүлж арчиж байгаарай. Ингэснээр таны үтрээнд халдвар орохоос сэргийлж байгаа хэрэг юм.
- Чанартай, даавуун дотуур өмдийг сонгож өмсөхийг зөвлөе. Мөн дотуур өмд тань хэт бариу байж болохгүйг анхаараарай.
- Усанд сэлсний дараа тэр дор нь усны хувцсаа солих хэрэгтэй. Учир нь чийгтэй орчин үтрээнд мөөгөнцөр үүсгэх гол шалтгаан болдог.
- Нэг төрлийн ариун цэврийн хэрэгслийг тогтмол хэрэглэж болохгүй. Аль болох тогтмол өөрчилж сольж байгаарай.
- Үтрээндээ үнэр дарагч болон хөлс дарагч, "тальк" зэргийг түрхэж болохгүй.
4
Хэрхэн эмчлэх вэ?
- Тампоны оронд ариун цэврийн хэрэгслийг хэрэглэж байгаарай.
- Саван ашиглалгүй өдөр бүр үтрээгээ усаар угааж хэвших хэрэгтэй.
- Сексийн үед өвдөлт мэдрэгдвэл нэг хэсэгтээ бэлгийн ажлаас татгалзаарай.
5
Санамж
Хэрвээ эдгээр зөвлөмжүүд танд тус болохгүй бол яаралтай эмчид хандаж, зөвлөгөө авах хэрэгтэй гэдгийг анхаараарай.
