1 Ямар арга хэмжээ авах вэ?

Үс сайхан бол зүс сайхан гэдэг. Харин гялалзсан хар үстэй болох гэсэн хүсэлдээ автаж, химийн бодистой будаг хэрэглэж, хуйхаа гэмтээх нь элбэг тохиолддог. Гэхдээ цагаан үснээс гэрийн аргаар хялбар салах боломжтой ажээ. Танд ердөө төмс хэрэг болох бөгөөд энэхүү аргыг хэрэглэж хэвшсэнээр үсний тань өнгө сэргэж, буурал үснүүд дахиж гарахгүй болох аж. 

2 Төмсний хальсаа чанах

Та 5-6 ширхэг төмс авч, хальсалж тавиарай. Төмсний хальсыг 2 аяга усанд хийж чанана. Усаа буцалсны дараа галаа багасгаж, хальсаа 15-20 минут чанах хэрэгтэй. Дараа нь хальсаа гаргаж хаяад усаа хөртөл нь хүлээгээрэй. Үүндээ багахан эфирийн тос хийж, сайхан үнэртэй болгосон ч болно.

3 Үсэндээ иллэг хийх

Одоо харин та үсээ шампунь ашиглаж сайтар угааж, бэлтгэх хэрэгтэй. Дараа нь төмсний хальснаас гаргаж авсан шүүсээ хуйхандаа түрхэж, иллэг хийх бөгөөд алчууранд боож, 15-20 минут байлгана. Товлосон цаг болмогц үсээ цэвэр усаар зайлаарай. Үр дүнд нь та дахиж нэг ширхэг ч цагаан үс харахгүй.  Энэхүү аргыг долоо хоногт 2-3 удаа хэрэглэснээр богино хугацаанд хүссэн үр дүндээ хүрэх боломжтой аж.