Энэ мэтчилэн түүхэнд маш олон онгоц алга болж байсан. Ингээд хамгийн хачирхалтай алга болсон онгоцуудын талаар зарим мэдээллийг хүлээн авцгаая.

1 Амелия Эрхарт

Түүхэн дэхь хамгийн хачирхалтай алга болсон онгоцуудын нэг нь эмэгтэй нисгэгч Амелия Эрхартын онгоц байсан юм. Тэрээр дэлхийг тойрон аялах зорилгоор 1937 онд ийнхүү "Электра" онгоцоор нисэн гарч байсан бөгөөд Номхон далайн ойролцоох Хауленд арлын ойролцоогоос алга болжээ. Үүнээс гадна Эрхарт Атлантын далайг нисэж гарсан анхны эмэгтэй нисгэгч болсон юм. Эрхартын онгоцны талаар ямар нэгэн баримт олдвор үгүй байгаа бөгөөд зарим нэг нь түүнийг далайд унасан гэж үзэж байгаа бол, зарим нь харь гаригийнханд хулгайлагдсан гэх нь ч бий. 1939 онд түүнийг албан ёсоор нас барсан хэмээн зарлажээ. 

2 Бермудын гурвалжин

Эдгээр онгоцууд нь Флорида, Пуэрто-Рико болон Бермудын гурвалжингийн ойр хавьд алга болсон учир ийнхүү нэрлэсэн байна. 1945 оны 12 сарын 5-нд таван онгоц алга болсноор алдарт Бермудын гурвалжингийн домог эхэлсэн аж. Бэлтгэл хийх зориулалттайгаар таван бөмбөгдөгч онгоц Форт-Лодердейлагаас нисэн гарчээ. Ниссэнээс хойш хагас цагийн дараа нисэгчид замаа олохгүй байна хэмээн мэдэгджээ. Нисгэгчдийг хайх гэж гарсан онгоц мөн л сураггүй арга болсон байна. Үүнээс гадна 1948-1949 оны хооронд хоёр онгоц алга болсон бөгөөд ойролцоогоор 51 хүн ор сураггүй болжээ. 

3 BSAA Star Dust

1947 оны 8 сарын 2-нд "BSAA Star Dust" хэмээх онгоц сураггүй арга болж олныг цочирдуулж байжээ. British South American Airways (BSAA) онгоц Андамын уул руу явж байсан байна. Харамсалтай нь энэ онгоц очих газраа хүрэлгүй алга болжээ. Онгоц сураггүй болсон талаар мөн л хэд хэдэн баримт байдаг бөгөөд үүнд харь гаригийнхан довтолсон, эсвэл чухал баримт бичгийг устгахын тулд онгоцыг устгасан гэх таамаг ч байдаг байна. Онгоцыг 50 жилийн дараа олсон бөгөөд уул мөргөн сүйрсэн байжээ. 

4 191-р нислэгийг тойрсон хачирхалтай явдлууд

Энэ түүх нь зөвхөн ганцхан онгоцны талаар биш бөгөөд 191 гэсэн дугаарын рейстэй холбоотой юм. Хамгийн аймшигтай сүйрэлтийн нэг нь American Airlines-ын 191 дэхь нислэг байсан бөгөөд үүнд 258 зорчигч, 13 онгоцны ажилтан алга болсон байна. Бас нэгэн осол нь мөн л 191 дугаартай рейстэй холбоотой бөгөөд X-15 хүлэг сүйрсэн явдал юм. Ер нь 191 дугаартай рейс байнга осол дагуулж байсан учир зарим нислэгийн компаниуд ийм тоотой нислэг хийхээс татгалзсан байна. 

5 1972 оны Андын осол

Уругвайн Air force онгоц 1972 оны 10 сарын 13-нд Андын нуруунд сүйрсэн байна. Онгоцонд нийт 45 хүн байсан бөгөөд 12 хүн нь нас баржээ. Амьд үлдэгсдийн талаар 72 хоногийн турш ямар ч мэдээлэл байхгүй байсан байна. Сүйрлийн талаар 1993 онд кино хүртэл бүтээсэн аж. Тэд үхсэн нэгнийхээ махыг идэж байсан хэмээх цуу яриа ч байдаг билээ.