1
Хэлэн дээр хээ тогтох
Хэлэн дээр жижиг цэврүү гарч, ийнхүү газрын зураг шиг барзайсан бол таны хэрэглэж байгаа шүдний оо таарахгүй байгаа, эсвэл хэлээ хэт чанга даралттай үрж, хусдагаас үүдэлтэй юм. Мөн халуун ногоотой хурц хоол хүнс хэрэглэхээс аль болох зайлсхийгээрэй.
2
Цагаан толботой хэл
Энэ нь хэлний өвчлөлийн түгээмэл хэлбэр бөгөөд, ихэвчлэн архи, тамхи, согтууруулах ундааны хэрэглээнээс үүдэлтэй. Тиймээс өөрийн эрүүл мэндийн төлөө муу зуршлаа хаяхыг зөвлөе.
3
Өнгөргүй ягаан хэл
Таны харж байгаачлан элдэв өнгөр толбогүй, ягаан хэл нь эрүүл хүний шинж юм. Хэрвээ таны хэл ийм бол амны эрүүл ахуй, эрүүл мэнддээ сайтар анхаардгийн жишээ билээ. Эрүүл саруул, цэвэр цэмцгэр, урт удаан амьдрахын тулд, амны эрүүл ахуйдаа тавих анхаарлаа хэзээд ч битгий сулруулаарай.
4
Дагтаршсан өнгөртэй хэл
Энэ нь мөөгөнцрийн үеийн эхний шинж тэмдэг бөгөөд ийм тохиолдолд эмчид үзүүлж, яаралтай эмчилгээг системтэй хийлгэх шаардлагатай юм. Түүнчлэн өөрийгөө эрсдлээс хамгаалахын тулд бусдын хэрэглэсэн сойзыг хэрэглэхгүй байх, аяга халбагаа дамжуулахгүй байх нь чухал.
5
Цэврүү, шархтай хэл
Ихэвчлэн хэлээ халуун хоол цайнд түлэх, эсвэл халуун ногооны харшил зэргээс үүдэн ийнхүү жижиг цэврүүнүүд гардаг байна. Мөн зарим тохиолдолд хавдрын шинж байх эрсдэлтэй учраас, эмчид хандах нь зүйтэй.
6
Өнгөртэй хэл
Энэ нь ихэвчлэн хоолны хордлогын шинж байх магадлалтай бөгөөд ийм тохиолдолд шингэн юм сайн уух, эмчийн зааврын дагуу эмчилгээ хийлгэх хэрэгтэй. Түүнчлэн сойзоо хүнтэй солихгүй байх, давс ихтэй хоол бага идэх нь зөв гэдгийг сануулая.
7
Хагарсан хэл
Ийнхүү хэл хагарч хуваагдах нь ямар нэгэн хүнд өвчин байх аюултай. Тиймээс даруй эмчид хандаж, тохирсон эмчилгээг цаг алдалгүй даруй хийлгээрэй.
8
Давалгаат хэл
Ялангуяа бяцхан хүүхдүүдийн хэл нь ийнхүү жигд бус өнгөртөж, давалгаа үүссэн мэт харагддаг. Энэ нь чихэрлэг зүйлс ихээр хэрэглэх, амаа дутуу цэвэрлэсэнтэй холбоотой. Зарим тохиолдолд ходоод гэдэсний өвчний шинж тэмдэг байж болзошгүй тул анхаарах хэрэгтэй.
9
Цусан улаан хэл
Яг л аймшгийн киног санагдуулам цусан улаан хэл нь тухайн хүнд төмөр, витамин B12 архаг дутагдсаны илрэл юм. Тиймээс та өөрийн эрүүл мэндийг бодож, эдгээр витаминыг эмчийн заавраар ууж хэрэглэх нь тохиромжтой.
10
Хар толботой хэл
Магадгүй хорт хавдар шиг харагдаж байгаа ч, энэ нь тухайн хүний антибиотикийн хэт их хэрэглээ, мөөгөнцөр өвчний шинж тэмдэг, амны ариун цэвэр муу байгаатай шууд холбоотой. Тиймээс өөртөө илүү их цаг зав, анхаарал халамж зориулаарай.
