1. Хэрвээ шөлтэй хоолны давс ихэдчихвэл 150 гр цагаан будааг цэвэрхэн самбайнд боогоод шөлөндөө хийж нэг буцалгаарай. Эсвэл 2-3 түүхий төмс арилгаад, хэрчилгүй бүтнээр нь хийн буцалгаад үзээрэй.
Түүнчлэн нэгэнт ихэдсэн хоолны давсийг багасгах хамгийн энгийн арга бол бага зэрэг элсэн чихэр хийх юм. Түүнчлэн өндөгний цагааныг ялгаж аваад шорвог шөлөндөө хийж болно.
Хүнсний ногоо, мөөгний давсыг багасгая гэвэл эдгээрийгээ бүхэл төмс, лууван, хүрэн манжингийн хамт усанд хийн буцалгаарай. Түүнчлэн шорвог амттай болсон ногоог хатуу бяслагтай хамт битүү саванд хийн нэг цаг байлгавал их үр дүнтэй.
Битүү чанасан болон ялз болгосон махны давсыг багасгахдаа улаан лооль хэрчиж хийгээд ганц буцалгахад хангалттай.
Мөөгний давс ихэдвэл давсгүй нухсан төмс, будаа, цөцгий болон сонгиноор амтлаарай.
Загас болон үхэр, хонины махны давсыг багасгахын тулд юун түрүүнд бүхэл төмсийг хийн хамт чанаж болгох хэрэгтэй. Харин махаа нэгэнт таваглачихсан бол давсгүй нухсан төмс, үрсэн өргөст хэмх, хулуу, лууван зэрэгтэй хольж идвэл дээр. Махан хоолны давс ихэдсэн үед цөцгийтэй соус тохиромжтой байдаг.
Шорвог амттай хоол идсэний дараа оргилуун дарс, цагаан дарс болон хийжүүлсэн ундаа уух нь зохимжтой бөгөөд чихэрлэг исгэлэн амт нь шорвог амтыг илүү дарж өгдөг.
Сонирхуулахад алдартай тогооч нар хоолныхоо давсыг ихдүүлээд эхэлбэл хэн нэгэнд дурласны шинж байдаг гэнэ шүү. Манайхан ч бас тулгар биетэй бүсгүй хүн хоолныхоо давсыг ихдүүлвэл хүү төрүүлэх нь хэмээн билэгшээдэг билээ.
