“Playboy” сэтгүүл ахин нүцгэн зураг нийтлэхгүйгээ мэдэгдлээ

2015-10-16, 00:20

17,599

Анх 1953 оны 10 дугаар сарын 1-ний өдөр “Playboy” сэтгүүл худалдаанд гарсан бөгөөд өдгөө 62 жил өнгөрсөн ч ижил төрлийн сэтгүүлүүдээсээ тэргүүлэгч хэвээр байна. Уг сэтгүүлийн үүсгэн байгуулагч Хью Хефнер (Hugh Hefner) маш олон үзэсгэлэнтэй, халуухан бүсгүйчүүдтэй хамт амьдарч, мөрөөдлийн гэмээр тансаг амьдралаараа алдартай билээ. Тэрээр саяхан сэтгүүлийн ирээдүйг эрс өөрчилж мэдэхээр итгэмээргүй шийдвэр гаргажээ.

“Playboy” сэтгүүл ахин нүцгэн зураг нийтлэхгүйгээ мэдэгдлээ

Сэтгүүлийн гол онцлог нь болсон “нүцгэн” бүсгүйчүүдийн зураг ахин нийтлэгдэхгүй гэнэ. Энэ тухай мэдээллийг “Playboy” сэтгүүлийн редактор олон нийтэд мэдэгдэл хийлээ. Тэрээр Хью Хефнертэй удаан зөвлөлдсөний эцэст ийм шийдвэрт хүрсэн гэв.

Учир нь одоо үед интернэтийн хаанаас ч, нүцгэн хүүхэн харж болохоор болжээ. Тиймээс “Playboy” сэтгүүлийг үзэх хүмүүс багассаар байна. Харин ирэх жилээс бүтэн нүцгэлсэн эмэгтэйн зураг ахин сэтгүүлд тавигдахгүй болжээ.

Тус сэтгүүлийн гүйцэтгэх захирал Скот сэтгүүлчдэд зарласан хэвлэлийн хурал дээр: “Анх хэвлэгдсэн 1953 оны улс төр, орчин одоогийнхоос өөр байсан. Бид улс төр, секс, соёл зэргийг чөлөөтэйгөөр нийтэлж болдог байсан. Хэдийгээр гаднах нүүртээ нүцгэн зураг нийтлэхгүй ч, сэтгүүлийн үндсэн утга агуулга өөрчлөгдөхгүй” хэмээн ярьсан байна.

Албаны хүмүүсийн мэдээлж буйгаар “Playboy” сэтгүүл оргил үедээ буюу 1975 онд 5.6 сая ширхэг борлуулагдаж байсан бол эдүгээ 800 мянган ширхэгээр худалдаанд гарах болсон байна. Скоттын хэлснээр бол одоо үед “Сэтгүүлийн тэргүүн нүүрт нүцгэн зураг нийтлэх нь хоцрогдсон” гэнэ.