Энэ нь бүтээгдэхүүний найдвартай байдал, баталгаат хугацаанд асуудал гарахгүй гэсэн үг. Албан ёсны борлуулах эрхгүй газраас худалдан авсан гар утас нь  үйлдвэрээс гарсан лац, хайрцаг сав, дагалдах хэрэгсэлгүй байх нь олонтаа. Ийм утасны ажиллагаа байнга доголддог, ашиглах хугацаа богино байдаг талаар мэргэжилтнүүд хэлж байна.

Өнөөдрийн зах зээл дээр хэрэглэгчид энэ талаарх мэдээлэлгүйгээс болж ижил үнэтэй ч оригинал биш утас худалдан авч, цаг зав, хөрөнгө мөнгөөр хохирч байна. Тиймээс албан ёсны эрхгүй гар утсыг худалдаанаас хасч, хэрэглэгчдийг найдвартай бүтээгдэхүүн хэрэглэж заншаасай гэснээс үүдэн иргэдийг мэдээллээр хангах ажлыг  хийж байна.

Samsung-н албан ёсны эрхтэй оригинал утасны ялгарах гол давуу тал нь танд Монгол хэл дээрээ ашиглах боломжийг олгосон болохыг тэд хэлсэн. Мөн албан ёсны борлуулагчаас авах давуу талын тухайд үйлдвэрийн гэмтэлтэй нь оношлогдсон утсыг танд шинээр сольж өгөх мөн бусад төрлийн шалтгаантайгаар эвдэрсэн тохиолдолд оношлогоог үнэ төлбөргүй хийж өгдөг зэрэг болно. Хэрэв таны утсанд сэлбэг хэрэгтэй бол Samsung-н албан ёсны үйлдвэрүүдэд үйлдвэрлэгдсэн оригинал сэлбэгээр, чанарын өндөр түвшинд үйлчилгээг эндээс авч болох юм байна.

•Хамгийн түрүүнд Та Samsung-н утсыг худалдан авахдаа хайрцаг, боодлыг харах хэрэгтэй. Түүнээс гадна савлагаанд байгаа зүйлсийг нэг бүрчлэн бүртгэж анхаараарай.

•Мэдээж хайрцгийг задлаагүй, лацтай байх ёстой.

•Хайрцаг дээр 1 жилийн баталгааны энэхүү лого байгаа эсэхийг харах (Samsung-н үйлдвэрээс гарахдаа аль оронд зориулж үйлдвэрлэснийг нь баталгаажуулсан лого бөгөөд анзаарч харвал Mongolia/Монголия гэсэн бичиг бий)

•Хайрцагыг нээж харвал утасны нүүр болон ар талд гялгар хуулга наалттай байна. Нүүрэн талын хуулга дээр 1 жилийн баталгааны логог мөн хэвлэсэн.

•Утасны дагалдах хэрэгслүүд болон цэнэглэгч адаптар, кабель, чихэвч тус бүр үйлдвэрийн савлагаатай буюу гялгар хуулганд ороосон байна.

•Утасны гарын авлага (Quick start Guide) болон баталгааны хуудас ч хайрцагт бий.

•Баталгааны хуудсыг утас борлуулагч танд бөглөж өгнө. Та Samsung-н албан ёсны засварын төвүүдээр үйлчлүүлэх бол энэхүү баталгааны хуудсаа авчирч үзүүлэхэд хангалттай.