LG Electronics компани нь өнөөдөр буюу 2015 оны 4-сарын 29 нд хүсэн хүлээгдэж байсан LG G4 ухаалаг утсаа Нью-Йорк, Лондон, Парис, Сингапур, Стамбул мөн Сөүл зэрэг хотуудад нэгэн зэрэг дэлгэн танилцууллаа.

Ойролцоогоор дэлхий даяар 1000 гаруй зочид цоо шинэхэн LG G4-г үзэхээр ирсэн бөгөөд G3-ийн залгамжлагч болсон энэхүү цуврал нь борлуулалт болон үзүүлэлтээрээ бусад утсыг давсан байна. Компанийн зүгээс өөрсдийн үнэнч хэрэглэгчдийнхээ дунд тэмцээн зохиож уг тэмцээнээс LG G4 ухаалаг гар утасны анхны азтай 4000 хэрэглэгчдийг тодруулах юм байна. G4-р дамжуулан LG нь дээд зэрэглэлийн тав тух, болон хэрэглээний гайхамшигтай мэдрэмж, хүний харааны төв зэргийг голчлон анхаарчээ. LG G4-ийн камерын онцлог нь ухаалаг утаснуудад бараг байдаггүй F1.8 линзтэй ба энэ нь LG G3-тай харьцуулахад 80 хувь илүү их гэрлээр дүрсийг мэдэрдэг юм. Энэхүү шинэлэг камерын үзүүлэлт нь шинэхэн IPS Quantum дэлгэцтэй хосолсон ба энэ нь Quad HD LG G3-аас бүх талаараа илүү байна. LG Electronics Mobile Communications-ний Гүйцэтгэх захирал, Ерөнхийлөгч Juno Cho хэлэхдээ “Бид хамгийн загварлаг шинэлэг бүтээгдэхүүнүүдийг үйлдвэрлэн гаргаж үүгээрээ илүү сайхан амьдралыг бэлэглэх болно гэсэн өөрсдийн амлалтандаа хүрсэн ба энэхүү дээд зэрэглэлийн гар утас нь хэрэглэгчдийн санал хүсэлтэнд тулгуурлан бүтээгдсэн учир хамгийн шилдэг бүтээл байж чадна гэдэгт итгэлтэй байна. Бид хүн төвтэй буюу технологи нь аналог мэдрэгчтэй төхөөрөмж хэрэглэгчдэдээ өгөхийг хүссэн ба энэ нь бодит ертөнцийг яг байгаагаар нь мэдрүүлнэ. Загвар, камер, дэлгэц энэ бүгд төгс зохицсон бөгөөд бид бүгдийн урьд өмнө нь харж байгаагүй гайхамшигт бүтээл болсон”.

LG нь хэрэглэхэд хялбар, гоёмсог загвартай шинэ бүтээгдэхүүнийхээ гадна материалд ихээхэн анхаарчээ. LG G4 нь гар хийцийн арьсан гадаргатай ба 3 төрлийн өнгөний сонголттой. G4-ийн загварлаг гадаргуу нь их дулаахан өнгөтэй бөгөөд жинхэнэ ур чадварыг илтгэсэн бүтээл болсон юм. Хамгийн чухал нь энэхүү савхин гадарга нь байгальд ээлтэй төдийгүй дахин боловсруулах боломжтой мөн хүчтэй химийн бодис ашиглаагүйгээрээ онцлог юм. G4-ийн бусад материалын сонголт гэвэл цэвэр шаазан цагаан, 3D загвар мөн гар аргаар давтаж хийсэн металл саарал, хар саарал мөн гэрэлтсэн алтлаг зэрэг өнгөний сонголттой. Загварлаг гоёмсог LG G4 нь бараг уламжлал болоод байсан металл гадаргын загварыг шинэчлэн тогтоолоо. LG G4-ийн загвар нь Slim Arc компаний бүтээл бөгөөд гадна бие, нарийн мурийлттай дэлгэцийн тод үзүүлэлт зэргийг агуулсан байна. Зөвхөн загварт анхаараад зогсоогүй Slim Arc нь утсыг 20 гаруй хувиар илүү бат бөх байхаар бүтээсэн нь хэрэглэгчид илүү тав тух, сэтгэл ханамжийг төрүүлжээ. Гадна харагдах байдал нь ухаалаг утас хэрэглэгчдийн хэрэгцээнд нийцүүлсэн ба илүү энгийн байгалийн мэт төрхийг гаргасан байна. Үүнээс гадна ухаалаг сануулга бүхий элемент нь автоматаар хэрэглэгчийн сонгосон хүрээ дэлгэц болон текстийн өнгө зэргийг home screen image-дээ тааруулан солидогоороо давуу талтай.

Гайхамшигтай Visual Туршлага LG нь 16MP камерыг LG G4-т суурилуулж өгсөн ба энэ нь гэрэлтүүлэг бага үед ч хамгийн өндөр чанарын дүрслэлийг танд хүргэнэ. Камерынх нь онцлог гэвэл өргөн F1.8 линзтэй бөгөөд энэ нь 80 хувь илүү гэрлийг мэдрэх чадалтай юм. LG нь OIS 2.0 буюу бага гэрлийн үзүүлэлтээр хангасан бөгөөд энэ нь OIS+-тай харьцуулахад 2 дахин илүү үзүүлэлт бөгөөд нэг хэмээс нөгөө хэмрүү X болон Y тэнхлэг дээгүүр дүрсийг тогтвортой барьж хүрээг тэлэх ба гуравдагч тэнхлэгийг анх удаагаа нэмсэн байна. G4-ийн гар ажиллагааны горим нь гэрэл зурагчдад зориулагдсан бөгөөд одоо та шууд хүссэн үедээ зургийн фокуслан дарах хурд, ISO, цагаан өнгөний тэнцэл зэргийг зураг дарах бүртээ тааруулах боломжтой. Туршлагатай гэрэл зурагчид RAW format-д дарсан зургаа хадгалах боломжтой бөгөөд мөн нэмэлтээр JPEG суурилагдсан бөгөөд нарийвчлалыг алдагдуулалгүйгээр засвар оруулах боломжтой. Сэлфи хийхэд хангалттай их хүрээтэй болсон. LG нь урд камертаа 8MP-г суурилуулсан ба энэ өндөр нарийвчлалтайгаар амьд дүрслэлийг үзүүлнэ. Gesture Interval Shot нь 2 секундийн зайтайгаар 4 зураг дарж ямарч хүнд нөхцөлд төгс ялгарлыг харуулах чадвартай байна. Мөн камерынхаа урд алгаа нээх, атгах  зэргээр хялбар аргыг ашиглан селфи дарах боломжтой.

LG G4 ухаалаг гар утас бол LG Дэлгэц үйлдвэрлэлийн шинэ технологи болох 5.5 инч IPS технологи бүхий дэлгэцийг ашиглан хийсэн анхны ухаалаг гар утас юм.  Энэ дэвшилтэд технологи нь 20 хувийн өнгөний нэмэлт ялгарал, 25 хувийн нэмэлт гэрэлтүүлэг, 50 хувийн гайхамшигтай өнгө хоорондын ялгаралыг үзүүлдэг.  Мөн анхны Quad HD дэлгэцийг Advanced In-Cell Touch технологитой хослуулсан байна.  Энэхүү шинэ дэлгэцийн өнгөний ялгарал нь  Холливүүдийн сүүлийн үеийн өндөр чанар бүхий киног яг тэр үзүүлэлтээр нь гаргаж чаддагаараа бусдаас хол илүү болж чадсан. 

Баттерей
LG G4-ийн сайжруулсан өндөр үзүүлэлттэй дэлгэц нь баттерей-цэнэг зарцуулалтыг багасгасан байна. LG G4 ухаалаг гар утсанд өндөр багтаамж бүхий 3,000mAh баттерейг суурилуулсан ба өнөөдөр хэрэглэгчдийн ашиглаж буй бусад ухуулаг гар утсанд байхааргүй цэнэгээ удаан барьдгаараа бусдаас илт ялгарна.  Цэнэг удаан барих Х10 LTE Qualcomm Snapdragon™ 808 процессортой. LG G4 нэг удаагийн цэнэглэлтээр интернэт, аппликейшн хэрэглээнд хамгийн удаан цэнэгээ барина. 

"LG болон Qualcomm Technology компаниудын хамтарсан Snapdragon 808 баттерей нь LG G4 ухаалаг гар утсанд маш олон давуу талыг олгосон. LG G4 дээрх баттерейтай хосолсноор цэнэгээ удаан барьж чадах бөгөөд хэрэглэгчдэд дахин цэнэглэлтийн асуудал үүсгэхгүй агаад хэрэглэгчдийн хэрэглээнд нийцсэн дээд зэргийн бүтээгдэхүүн болсон байна.

Human-Centric UX
LG G4 бол Human-Centric UX 4.0 технологийг ашигласан анхны ухаалаг гар утас ба хэрэглэгчдийн зан, үйлдлийг урьдчилан тааварлан тэдгээрт нийцсан сонголт, хариу үйлдлийг үзүүлдэг  нь ухаалаг гэдэг ойлголтыг илүү төгс болгосон байна. Сайжруулсан UX нь шаардлаггүй алхамуудыг тооцоолон хасч хэрэглэгчдэд илүү боломжит сонголтыг санал болгодог. 

•    Түргэн зураг авалт нь дэлгэц унтраастай үед арын товчлуурыг 2 удаа ойрхон дарахад зураг авахад бэлэн болно. LG G4 нь камерны ажиллагаа эхлэхийг гайхалтай хурдан болгосон байна.
•    Шинэхэн зургийн цомог нь мянга мянган зургийг маш хурдан гүйлгэн харах боломжийг олгосон санах ой нь зураг, видеоны хийсэн цаг хугацаанаас хамааран дэд цэс үүсгэн тус тусад нь автоматаар хадгална.
•    Event Pocket нь хэрэглэгчдэд сошиал медиа хуудаснаас хүссэн арга хэмжээгээ хуулан авчрах боломжийг олгон календарчилан сануулах шинэхэн цэс юм.
•    Сайжруулсан Smart Notice цэс нь цаг агаар, аялалын хөтлөлт түүнчлэн таны хоббиг маш ойлгомжтойгоор тэмдэглэхэд туслах болно. Мөн Smart Notice нь танд цаг агаарын таарамжгүй нөхцөл байдалд сануулга болгон “Гадаа бороотой байна. Та шүхрээ мартаагүй биз?” хэмээн сануулдаг ухаалаг дэд цэс юм.
•    Quick Help LG G4-ийн үндсэн мэдээлэл, хэрэглээний цэс, хадгалсан файлыг хайхад тус болно. Quick Help цэс нь хэрэглэгчдэд LG G4-ийг хэрхэн хэрэглэх талаар зөвлөгөө өгнө.

LG нь хэрэглэгчдийн хэрэглээнд нийцсэн ухаалаг гар утсыг ямагт эрэлхийлж байдгийг G4-өөр дамжуулан хүргэж байна. Google компанитай хамтран LG G4 хэрэглэгчдэд Google-ийн интернэт орон зайд 2 жилийн турш үнэгүй 100Gb багтаамжийг дагалдуулан өгч байна. Мөн LG Electronics нь Volkswagen команитай хамтран авто машины шинэхэн загваруудыг харах, өөрийн ухаалаг гар утсыг машинтай холбон дуу сонсох, машины гүйлт харах, зэрэг таны хэрэглээг хөнгөвчлөх маш олон боломжуудыг бий болголоо.

Түлхүүр үзүүлэлт:
•    Бичил схем: X10 LTE-тэй Qualcomm Snapdragon™ 808 процессор
•    Дэлгэц:  5.5-inch Quad HD IPS Quantum Display (2560 x 1440, 538ppi)
•    Багтаамж: 32GB eMMC ROM, 3GB LPDDR3 RAM / microSD нэмэлттэй
•    Камер: Ард талд F1.8 завсартай / OIS 2.0 /-тай16MP камер, урд талд 8MP камер
•    Баттерей: 3,000mAh (сольж болох)
•    Үйлдлийн систем: Android 5.1 Lollipop
•    Хэмжээ: 148.9 x 76.1 x 6.3 - 9.8 mm
•    Жин: 155гр
•    Сүлжээ: 4G / LTE / HSPA+ 21 Mbps (3G)
•    Холболт: Wi-Fi 802.11 a, b, g, n, ac / Bluetooth 4.1LE / NFC / USB 2.0
•    Гадаргуу: Хар, Бор, Улаан өнгийн цэвэр арьс
•    Бусад: Гар ажиллагааны горим / Дохионы үйлдэл хүлээн авах / Хурдан зураг даралт

LG Электроникс компанийн тухай
LG электроникс инк. нь хэрэглээний электрон бараа, үүрэн холбооны болон ахуйн техникийн дэлхийн зах зээл дээр тэргүүлэгч бөгөөд шинэлэг технологиудыг боловсруулан нэвтрүүлэгч компани юм. Тус компанийн дэлхийд тархан байрласан 113 офист 83 000 ажилтан ажилладаг. Дэлхийн хэмжээнд борлуулсан барааных нь нийт хэмжээ 53,10 тэрбум ам.доллар /58,14 их наяд солонгос вон/ болсон байна. LG компани нь Home Entertainment, Mobile Communications, Home Applance, Air Solution ба Vehicle Components хэмээх бизнесийн дөрвөн салбар нэгжээс бүрддэг.  Тус компани  хавтгай телевизор, зөөврийн төхөөрөмжүүд, агааржуулах төхөөрөмж, угаалгын машин, хөргөгчийн үйлдвэрлэлээрээ дэлхийд тэргүүлэгч үйлдвэрлэгчдийн нэг юм. 2014 онд LG электроникс компани нь олон улсын International CES® Innovations Awards шагналыг 15 удаа хүртсэн байна.

LG Электроникс Үүрэн холбооны хэрэгслийн компанийн тухай
LG Электроникс үүрэн холбооны хэрэгслийн компани нь үүрэн холбооны хэрэгсэл болон мэдээллийн салбарт дэлхийд тэргүүлэгч компани юм. Тэргүүний технологи болон шинэлэг дизайны үндэс суурин дээр LG компани нь оновчтой болгосон хөдөлгөөнт боломжуудыг даян дэлхийн хэрэглэгчдэд олгохуйц гар утсуудыг бүтээдэг. LG компани нь конвергент технологийг хөгжүүлж, хөдөлгөөнт тооцооллын бүтээгдэхүүнүүдийг үйлдвэрлэхийн зэрэгцээ чамин хэв загвар болон оюунлаг технологийнхоо ачаар үүрэн холбооны хэрэгслийн үйлдвэрлэлд тэргүүлэгч байр сууриа хадгалсаар байгаа билээ.