1. Шүд цайруулах
Шүдээ угаасныхаа дараа гадилны хальсны зөөлөн хэсгээр шүдээ хоёр минут орчим үрээрэй. Хальс нь кали, кальци, магни, марганц, фосфороор баялаг бөгөөд энэ нь шүдийг цайруулахад сайнаар нөлөөлнө. Дараа нь үлдэгдэл хальсийг арилгахын тулд шүдээ дахин угаагаарай. Ийнхүү өдөрт 1-2 удаа гадилны хальсаар шүдээ цэвэрлэхэд таны шүд цайрах болно.
2. Мөнгөн эдлэл өнгөлөх
Гадилны хальсийг мөнгөн эдлэл өнгөлөхөд ашиглаж болно. Хальсаа машиндаад ус нэмж шүдний оо мэт болгоно. Дараа нь зөөлөн давуундаа шингээж, өнгөө алдсан мөнгөн эдлэлээ арчиж цэвэрлэнэ. Өнгөлж дуусгаад цэвэр усаар зайлахад л хангалттай.
3. Гутал өнгөлөх
Арьсан гутлыг гадилны хальсаар өнгөлөхөд гялалзсан өнгөтэй болно. Гутлаа арчаад дээрээс нь хуурай даавуу эсвэл цаасан даавуугаар арчина.
4. Зурагдсан CD эсвэл DVD-г өнгөлөх
Бага зэргийн зурагдсан CD эсвэл DVD-г гадилаар үрснээр арилгаж болно. Хоёр минутын турш гадилаар арчаад дараа нь зөөлөн даавуугаар арчиж цэвэрлэнэ.
5. Өргөс авах
Гадилны хальсийг өргөсөн дээрээ тавиад дараа нь 24 цагийн турш шархны лент наана. Хальсны ферментүүд өргөсийг нааш нь татаж гаргахад хялбар болгодог.
6. Түлэгдэл, амьтанд хатгуулах зэргийг эдгээх
Наранд түлэгдэх, амьтанд хатгуулсан тохиолдолд гадилны хальс тавьснаар өвдөлт намдаж, хурдан эдгэх болно. Үүнээс гадна үрэвсэхээс сэргийлнэ. Өдөрт нэг удаа ийнхүү хальсийг тавихад таны шарх, түлэгдэл гэх мэт зүйл хурдан эдгэрнэ.
7. Үү, ургацаг арилгах
Дотор талаар нь үү эсвэл ургацаган дээр тавиад 24 цагийн турш бооно. Өдөр бүр энэ аргыг хэрэглэснээр сарын дотор таны үү арилах болно.
8. Хайрст үлд болон батга арилгах
Хальсны зөөлөн хэсгээр арчсанаар хуурайшилт болон өвчин намдах болно. Хэд хоногийн дараа үр дүн нь ажиглагдана.
9. Арьсийг толигор болгох
Зүгээр л өдөрт нэг удаа хальсаар нь нүүрээ арчихад л таны нүүрний өнгө сэргэж, арьс тань эрүүл байх болно.
10. Бордоо болгон ашиглах
Гадилны хальсанд агуулагдах макроэлемэнтүүд нь ургамлыг сайн ургахад нөлөөлнө. Гадилны хальсийг хатаагаад дараа нь ургамлынхаа шороотой холих хэрэгтэй. Харин хүлэмжинд ашиглахдаа шууд ургамлынхаа эргэн тойронд тавиад шороогоор булах хэрэгтэй. Энэ нь ургалтыг хурдасгадаг байна.
11. Ургамлын өтний эсрэг
Хатаасан гадилны хальсийг ургамлынхаа эргэн тойронд тавиад шороогоор булах хэрэгтэй.
12. Ургамлыг цэвэрлэх
Цэцэгний тоос, бохирдлыг арилгахын тулд гадилны хальсний дотор талаар нь үрж арчина.
13. Тахианы махыг зөөлрүүлэх
Тахианы махыг зөөлрүүлэх шаардлагатай үед гадилны хальсийг дээр нь тавиад шарах шүүгээнд хийхэд мах нь зөөлөн, шүүслэг болно.
