2014 оны 8-р сарын 28, Улаанбаатар хот 8-р сарын 1-ээс эхлэн Монголд анх удаа олон улсын жишигт нийцсэн тансаг зэрэглэлийн “V.I.P ТАКСИ” үйлчилгээнд гарлаа. Дээд зэрэглэлийн үйлчилгээ үзүүлэгч V.I.P такси нь зорчигчдынхоо сэтгэл ханамжийг чухалчлан хэрэгцээнд нь бүрэн нийцсэн үйлчилгээ хүргэхийг эрхэмлэн ажиллаж байна.

V.I.P такси үйлчилгээ нь таны амны цангааг тайлах ус, ундаагаар үйлчлэхээс гадна үнсний сав, үнэртүүлэгч, хуурай нойтон салфетка зэргийг хэрэглээнд тань тохируулан байрлуулж өгсөн нь ая тухтай зорчих боломжийг бүрдүүлжээ. Мөн мэдээ мэдээллийг цаг алдалгүй хүргэх сонин сэтгүүл ч тусгай үйлчилгээнд багтаж байна. Зорчигчдынхоо аюулгүй байдалд анхааран  эмийн сан, галын хор, байршил тогтоогч, ослын гурвалжин зэрэг такси тоноглолоор хангагдсан олон улсын жишигт хүрсэн унаагаар үйлчилж байгаа нь хотын соёлд өнгө үзэмжнэмсэн онцлог үйлчилгээ юм.

Үйлчлүүлэгчээ түргэн шуурхай найдвартай хүргэхийг эрхэм зорилгоо болгосон V.I.P такси нь нийслэлийн замын хөдөлгөөнд 1-р эгнээнд зорчих эрхтэй учир таны үнэт цаг түгжрэлд үрэгдэнэ гэж санаа зоволтгүй хүссэн газраа саадгүй хүрэх болно гэдгийг дуулгахад таатай байна. Мөн санал хүсэлтийг тань хүлээн авах гомдол барагдуулах албатай хамтарч байгаа ба хүсэлтээ цахим хэлбэрээр ч илгээж болдогоороо давуу юм.

Такси үйлчилгээний хөгжлийг олон шат ахиулсан V.I.P үйлчилгээ нь таны хэрэгцээ шаардлагад  нийцүүлэн төлбөрийн уян хатан нөхцлийг санал болгон карт уншигч төхөөрөмжийг суурилуулсан нь такси үйлчилгээг илүү амар хялбар болгосоор байна.

Эрхэм үйлчлүүлэгч та V.I.P такси дуудахыг хүсвэл 1900-1199 дугаарт дуудлага өгөөрэй.
“Иргэн таны эрхэмсэг хэрэглээ - Тансаг такси”

###