70 настай боди өвөө

"Хөгширнө гэдэг хувь хүний л ойлголт юм. Хүн өөрийгөө хэрхэн мэдэрч авч явах, яаж харагдахаас бүх зүйл шалтгаална" –гэж Сэм Брайант (Sam Bryant) ярьж байна. Энэ хүнийг хараад хэдийнээ 70 гарсан гэхэд итгэхэд бэрх.

Тэтгэвэрийн энэ эр ийм бие хаатай байгаа нь өөрөөсөө хоёр дахин залуу олон эрчүүдийн атаархалыг төрүүлэхээр ажээ. Тэрээр ийм өндөр насандаа зөвхөн амин дэмүүдийг л хэрэглэдэг гэнэ. 70 настай эр маань «Жоржи мужийн шилдэг культурист» титмийн эзэн бөгөөд одоохондоо тэтгэвэрт гарах бодолгүй байна.

«Чи хэзээ тэтгэвэртээ гарах гэж байна гэж хүмүүс надаас асуудаг юм. Миний хариулт бол: «Хэзээ ч биш!». Тэтгэвэрт гараад настай хүмүүс нас нөхцөх нь олонтоо байдаг. Би ажиллах дуртай, хичээллэх дуртай. Би 27 жил хичээллэж байна.» –хэмээн тэрээр ярьжээ.

Сэм шөнийн ээлжинд ачааны машины оператор хийдэг бөгөөд түүнд санаснаас нь их олз, титэм авчирсан биеэ тордохын тулд өдөрт хоёр удаа тренажёрийн танхимд очдог байна.

www.caak.mn

Тэрээр 44 настай байхдаа бодигоор хичээллэж эхэлсэн байна. Түүний гэр бүл асуудалтай болж эхэлсэн тэр үед стрессээ тайлах төгс арга бол спортын танхимд очих юм шиг түүнд санагдаж байжээ. Түүний үгээр бол, үүнээс өмнө тэрээр хэзээ ч ийм ачаалалтай ажиллаж байгаагүй ажээ. Хичээллэж эхэлснээс хойш 11 сарын дараа гэхэд л тэрээр анхны тэмцээндээ оролцсон байна.

Жоржи мужийн Колумбус хотод болсон тэмцээнд тэрээр анх зохисгүй улаан цагаан хөх алаг хувцастай ирсэн байна. “Тэр үед яаж зогсох талаар ямар ч ойлголтгүй байсан.”- гэж тэрээр үнэнээ хэлжээ. Гэвч хичнээн бэрхшээл тохиолдсон ч, эхлэн хичээллэж буй тамирчдын дунд 3-р байр, гол тэмцээнд 4-р байр эзэлсэн байна.

Түүнд яаж ингэж ийм сайхан бие бялдартай байж чаддаг байна аа? гэсэн асуултанд, тэрээр «Хэрвээ та өөрийгөө хөгшин гэж бодож эхэлвэл, таны ухамсар энэ бодлыг хүлээж аваад л таны бие хөгширч эхэлнэ. Тиймээс би энэ тухай зүгээр л боддоггүй» -хэмээн хариулжээ.