Венесуэл-ийн Миссийг хороожээ

Xerox
2014-01-11, 01:58
24,365
21
Хуваалцах
Даваа гаригийн шөнө 2004 оны Венесуэлийн Мисс болж байсан, жүжигчин, модель Моника Спир (Monica Spear)-ыг нөхрийнхөө хамт алагдсан байхыг олж илрүүлжээ. Мөн 5 настай охин нь хамт байсан бөгөөд бууны суманд өртөж гэмтэл авсан байна.
Венесуэл-ийн Миссийг хороожээ

“Мисс Венесуэл-2004” оны ялагч 29 настай Моника Спир болон түүний нөхөр гэмт халдлаганд өртөж амиа алджээ.



Тэднийг 2014 оны 1-р сарын 6-нд Пуэрто-Кабельо болон Валенсиягийн дунд зам дээр явж байх үед машиных нь дугуй хагарсан байна. "Дугуй хагарсан нь санаандгүй зүйл биш байсан болов уу" -хэмээн таамаглаж байгаа аж.

Хосуудын цогцос машин дотроо олдсон бөгөөд 5 настай охин нь хөлөндөө шархадсан байжээ.



Моника Спир 1984 оны 10-р сарын 1-нд Маракайбод төржээ. 2004 онд Венесуэлийн мисс болсноор Бангкокт болсон “Ертөнцийн Мисс” тэмцээнд улсаа төлөөлөн оролцсон байна. Моника тусгай байр эзэлж 4-р байранд жагсжээ.



Ийнхүү тэмцээний дараа тэрээр жүжигчний чиглэлээр Флоридагийн Их Сургуулийг төгссөн байна. 2007 онд хэд хэдэн кинонд дүр бүтээсэн аж.



Сүүлийн үед Моника АНУ-д амьдарч, жүжигчин, хөтлөгчийн ажил хийж байсан бөгөөд амралтынхаа үеэр Венесуэлдээ иржээ.



Венесуэлийн цагдаагийн байгууллагынхан сэжигтэнгүүдийг буюу 5 хүнийг баривчилсан бөгөөд тэдний зарим нь 18 нас ч хүрээгүй байсан байна. Сэжигтэнгүүд дээрэм хийх зорилготой байсан аж.





Венесуэлийн Миссийн энэ аллага нь олныг ихээхэн цочроожээ. Ерөнхийлөгч Николас Мадуро орон нутгийн телевизээр эмгэнэл илэрхийлсэн байна. Ийм төрлийн гэмт хэрэг Венесуэлд нэлээд тохиолддог бөгөөд гэмт хэргээр Өмнөд Америкт нэгт ордог гэнэ. Албан ёсны мэдээллээр жилд 100 мянган хүн тутмын 39 нь гэмт халдлагад өртдөг байна.



ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

0
таалагдаж байна

0
таалагдахгүй байна

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()