Харц салгахын аргагүй уран зургууд

Польшийн зураач Юстина Копаня өөрийн уран бүтээлдээ ёстой гайхамшигтай сайхан байгалийн зургуудыг буй болгожээ. Түүний зурагнууд нь гүн утга санаа, хэмжээгээрээ хачирхал төрүүлж байна. Бүтээл болгонд ямар нэгэн өвөрмөц зүйл байх агаад харц булааж, сэтгэл татах ажээ.

“Урлаг бол миний хорогдох газар, амьдрал, яруу найраг, хөгжим, сайхан навчин тамхи, өтгөн цай юм. Ертөнцийг би хэрхэн харж байгаа, миний бүх мэдрэмж, миний уулзаж, хайрладаг хүмүүс, миний шагшин гайхдаг байгаль, намайг хүрээлэн, надад нөлөөлдөг зүйлс зэргийг миний бүтээлүүд харуулдаг. Хүн бол миний бүтээлийн гол сэдэв, урам зориг юм. Харилцааны сэтгэл зүй, ааш маяг, хөдөлгөөн, хүний дотоод ертөнц, түүнийг хүрээлэн байгаа ертөнц нь надад ялангуяа илүү сонирхолтой байдаг. Том зотон даавуун дээр тосон будгаар зурахыг илүүд үздэг. Би өөрийн студидээ зурдаг бөгөөд заримдаа олон цагаар ч хамаагүй зурах үе байдаг.”- хэмээн тэрээр ярьжээ.

“Хамгийн гол нь зургийн орчин байдал, миний дурсамжуудын нэгээхэн хэсгийг үзэгчид бас гүнзгий мэдэрч, ойлгож чадахаар илэрхийлэх явдал юм.” – гэжээ.

www.caak.mn

Эдгээр зурагнуудаас харц салгах боломжгүй бөгөөд өөр лүүгээ үнэхээр хүчтэй татан, зүгээр нэг хараад зогсохгүй, тэдгээрт гараараа хүрч, материал, тэгш биш, арзгар гадаргууг мэдрэхийг хүсэхэд хүргэх ажээ.