Оюутан залуустаа баяр хүргэе!

Мобиком корпораци "Тэмүүлэл- Амжилтын эх" оюутан залууст зориулсан хөтөлбөрийн хүрээнд СЭЗДС-ийн Эрдэм шинжилгээний бага хурлыг ивээн тэтгэж, амжилттай зохион явууллаа.

СЭЗДС-аас энэхүү эрдэм шинжилгээний бага хурлыг жил бүр уламжлал болгон зохион байгуулдаг бөгөөд эдийн засаг, бизнесийн удирдлагын чиглэлээр сургалт явуулдаг их, дээд сургуулиудын оюутнуудын дунд нэр хүнд бүхий арга хэмжээ болоод байгаа юм. Онол практикийн ач холбогдол бүхий судалгааны шинэ бүтээл, үзэл санааг хөгжүүлэх, олон нийтэд түгээн дэлгэрүүлэх, харилцан санаа бодлоо чөлөөтэй солилцох, оюутны эрдэм шинжилгээ, судалгааны ажлыг дэмжих зорилготой эрдэм шинжилгээний хурлын тэргүүн байранд “Санхүүгийн нэгдэл ба хөрөнгийн удирдлага: Стохастик багцын онол” илтгэлээрээ СЭЗДС-ийн оюутан Баттулга, Б.Балжинням нар шалгарлаа.

Эрдэм шинжилгээний бага хурлын үеэр шилдэг илтгэл тавьсан оюутан залууст дараа төлбөрт Мобизоны шинэ дугаарын эрхийн бичгийг Мобикомын хамт олноос гардуулан өгсөн юм.

Эрхэм оюутан залуус та бүхэндээ удахгүй болох улсын шалгалтаа амжилттай өгөхийг хүсэн ерөөе!