Хотын залуус сайн үйлсийн аян зохион байгуулжээ

2013-01-14, 20:04

23,444

VIP CROWN AUTO CLUB -ын хамт олон сар бүр сайн үйлсийн аян зохион байгуулахаар төлөвлөсний анхны зогсоол 2013-01-11-ны өдөр хахир хатуу өвлийн хүйтэн халтиргаа гулгаатай замыг цэвэрлэдэг, хотын гудамжны хог шороог цэвэрлэж хүнд хүчир ажил хийдэг ТҮК-ний ажилчдийг зорисон “Сайн үйлсийн аян - 1” аяныг амжилттай зохион байгуулж дууслаа. Уг аяны хүрээнд ТҮК-ны ажилчдад сэтгэлийн дэм хайрлаж, халуун чацарганаар дайлж, дулаан хувцас, хоёроос гурван ээлжийн ажлын бээлий, оймс, маск болон Скайтелийн шинэ дугаар, нэгж зэрэг бэлгүүдийг гардуулан өглөө. Өглөөний 06.00 цагаас эхэлсэн энэхүү аян маань Баянгол, Сүхбаатар гэсэн 2 дүүргийн 30 гаруй ажилчдыг хамарсан юм.

Хотын залуус сайн үйлсийн аян зохион байгуулжээ

Үргэлж бидний тав тухтай, цэвэр цэмцгэр амьдралын төлөө ажилладаг ах эгч нартаа бага ч болов сэтгэлийн дэм хайрлаж чадсандаа бид бүхэн маш их баяртай байна.

Манай клубын хамт олон туслалцаа дэмжлэг хэрэгтэй бүх газар хүрэх болно.Дараачийн зогсоол маань “Хүүхэд асрах төв” -ыг зорих болно. Залуучууд та бүхнийг бидний дараагийн сайн үйлсийн аянд хамтран оролцохыг уриалж байна. Хотын соёл биднээс...

Хамтран оролцож ивээн тэтгэсэн байгууллагууддаа гүн талархал илэрхийлъе!

Дэмжигч байгууллагууд: ЗЦГазрын ОНХТасаг, ТВ8 телевиз, Mind студи,

Ивээн тэтгэгчид: Скайтел групп, МЗХолбоо- Залуучуудын Хүмүүнлэгийн хороо, СЕМОН оймсны үйлдвэр, www.Dorgio.mn веб сайт.

Сайн үйлсийн аяны нэвтрүүлэг 2013-01-12–ны орой 21:30 минутаас ТВ8 телевизээр цацагдана.

https://www.facebook.com/vipcrown