Америкийн 150 их дээд сургуулиудын онлайн өдөрлөг

Xerox
2012-11-10, 20:59
МАРКЕТИНГ
13,743
4
Хуваалцах
АНУ-ын Төрийн Департмент, АНУ-ын Боловсролын Департментаас санаачлан жил бүр “Олон улсын боловсролын 7 хоног” cэдэвт арга хэмжээг дэлхий даяар тэмдэглэдэг билээ. Энэ жилийн хувьд Боловсролын Зөвлөгөө Мэдээллийн Төв (БЗМТ) нь  Америкт суралцах хүсэлтэй оюутан залууст зориулан “Америкийн дээд боловсрол” нээлттэй уулзалт өдөрлөгийг  2012 оны 11-р сарын 12-13-ны өдрүүдэд 14.00-18.00 цагийн хооронд Улаанбаатар хотноо Хүүхдийн номын ордонд зохион байгуулах гэж байна. “Америкийн дээд боловсрол” нээлттэй уулзалт өдөрлөгийн үеэр EducationUSA Зүүн Азийн орнуудыг хариуцсан дарга Lauryne Massinga, АНУ-ын ЭСЯам болон БЗМТ-ийн ажилтан, Америкт тэтгэлэгт хөтөлбөрт хамрагдсан оюутан нар Америкт сурахтай холбоотой мэдээлэл өгөх болно.
Америкийн 150 их дээд сургуулиудын онлайн өдөрлөг



Олон улсын боловсролын 7 хоногийн хүрээнд зохион байгуулагдах арга хэмжээ

1/ “Америкийн дээд боловсрол” нээлттэй уулзалт өдөрлөг
2/ Америкийн 150 их дээд сургуулиудын онлайн өдөрлөг

Вэбсайт. www.collegeweeklive.com/EducationUSA

Мөн түүнчилэн  “Олон улсын боловсролын 7 хоног” арга хэмжээний хүрээнд 2012 оны 11-р сарын 13-14-ны өдрүүдэд (Улаанбаатарын цагаар 11-р сарын 13-ны 12.00 цагаас 11-р сарын 14-ны 12.00 цаг) International Virtual College Fair Америкийн 150 их дээд сургуулиудын онлайн өдөрлөгийг АНУ-ын Төрийн Департментаас дэлхий даяар зохион байгуулах гэж байна. 24 цагийн турш явагдах үнэ төлбөргүй онлайн арга хэмжээнээс Америкт сурахтай холбоотой бүхий л мэдээллийг АНУ-ын Төрийн Департаментын ажилтан, EducationUSA төвийн мэргэжилтэн, их дээд сургуулийн элсэлтийн төлөөлөгч нарын онлайн видео зөвлөгөөг авах боломжтой юм. Мөн Америкийн 150 гаруй их дээд сургууль, коллежийн сургалтын тэтгэлэгийн талаар мэдээлэл авах боломжтой.

Байгууллагын тухай
Боловсролын Зөвлөгөө Мэдээллийн Төв (БЗМТ) төрийн бус байгууллага нь Монголын Нээлттэй нийгэм хүрээлэн (Соросын Сан)-ээс Монгол улсад нээлттэй нийгэм хөгжүүлэхэд хувь нэмэр оруулах зорилготойгоор 1996 онд хэрэгжүүлж эхэлсэн анхны хөтөлбөрүүдийн нэг юм. Тус төв нь 2003 оноос бие даасан төрийн бус байгууллага болон үйл ажиллагаагаа явуулж байна.

БЗМТ нь АНУ-ын Төрийн Департаментын дэргэдэх Боловсрол, соёлын хэлтсийн  EducationUSA боловсролын зөвлөгөө өгөх төвийн гишүүн байгууллага юм. Дэлхий даяар 450 гаруй EducationUSA боловсролын зөвлөгөө өгөх төв нь АНУ-д суралцах сонирхолтой оюутнуудыг АНУ-ын дээд боловсролын талаархи мэдээлэл, суралцах боломж, тэтгэлэг болон бусад мэдээллээр үнэ төлбөргүй хангадаг.

2011 оны байдлаар АНУ-д 1259 монгол оюутан суралцаж байгаагаас Бакалаврын зэргээр 822, Магистер, Докторын зэргээр 237, зэгрийн бус сургалтанд 200 оюутан мэргэжилтэн хамрагдсан байна.

Албан ёсны сайт. www.educationusa.state.gov
ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

0
таалагдаж байна

0
таалагдахгүй байна

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()