Мобилоттоны 4 дэх азтан хос түлхүүрээ гардаж авлаа

Энэ даваа гарагт МҮОНТ-ийн шууд нэвтрүүлгээр тодорсон Мобилоттоны 4 дэх азтанаар наран мандах Дорнод аймгийн 9957xxxx дугаарын хэрэглэгч М.Ганчимэг шалгараад байгаа билээ. Азтан болсоноо гэр бүлийнхэнтэй хамтдаа сонсож, итгэж ядан байсан тэрээр өчигдөр Улаанбаатар хотод ирсэн даруйдаа Теди төвөөр зочлон азын хос түлхүүрээ гардаж авлаа. Гялгар уутнаасаа ч салж амжаагүй байгаа цоо шинэ Киа-Рио авто машин, 38 метр квадрат талбайтай, тохилог саруулхан шинэ байрныхаа түлхүүрээ гардаж авах баярт мөчийг нь хуваалцахаар Мобикомын хэрэглэгчдийн төлөөлөл болон Улаанбаатар хотод амьдардаг Дорнод нутгийнх нь зон олноос ирсэн байлаа.

Азтан М.Ганчимэгийн хувьд Дорнод аймгийн Дашбалбар суманд нөхөр, 2 хүүхдийн хамт амьдардаг бөгөөд сумынхаа цаг уурын станцын даргаар олон жил ажиллаж байна. Хөдөөний тэр дундаа төсвийн байгууллагад ажиллаж байгаа хүмүүс хотод байртай болох хүнд байгаа энэ үед оюутны байранд амьдардаг охиноо азын байрандаа амьдруулах болсонд туйлын баяртай байгаагаа бидэнд хуваалцаж байсан.

Мобилоттоны сүүлийн азтан тун удахгүй тодорно. 2500 төгрөгөөр дансаа цэнэглээд байр машинтай болох мөрөөдлөө биелүүлэх хүн бүрийг азын хос түлхүүр хүлээж байна. Та Мобилотто хонжворт урамшуулалд оролцож амжаагүй бол өөрт ойр байрлах Мобикомын салбараар үйлчлүүлэн, Мобилоттоны эрхтэй картаар дансаа цэнэглэхэд л хангалттай. Азын цоо шинэ Киа-рио машин, ашиглалтанд ороод удаагүй байгаа цоо шинэ 1 өрөө байр хамгийн сүүлийн азтан таных болох болтугай. Хос түлхүүрийн 5 дахь азтан 9-р сарын 24-нд МҮОНТ-ээр 21 цагт орон даяар шууд тодорно.

Таныг азын тэнгэр ивээх болтугай Мобиком.