Суралцагч бизнесийн удирдлагын чиглэлээр хоорондоо уялдаа холбоо бүхий дараах 4 хөтөлбөрөөс сонгон МУИС-ийн Эдийн Засгийн Сургуульд суралцаж, үргэлжлүүлэн Их Британи, АНУ, Австралийн гэрээт сургуулиудад суралцан бакалавр, магистрын зэрэг хүртэх боломжтой байдаг. Үүнд:
• Бизнесийн удирдлагын олон улсын бэлтгэл хөтөлбөр (IFY) – Хугацаа 1 жил
• Дөрөвдүгээр түвшний бизнесийн дипломын хөтөлбөр (Level 4 Diploma in Business) – Хугацаа 1 жил (Английн их дээд сургуулиудын бакалаврын сургалтын эхний жилийг дүүргэсэнтэй тэнцэнэ)
• Тавдугаар түвшний бизнесийн дипломын хөтөлбөр (Level 5 Diploma in Business) – Хугацаа 1 жил (Английн их дээд сургуулиудын бакалаврын сургалтын хоёр дахь жилийг дүүргэсэнтэй тэнцэнэ)
• Бакалаврын дараах дипломын хөтөлбөр (Postgraduate Diploma in Business Management) – Хугацаа 1 жил (Английн их дээд сургуулиудын магистрын сургалтын эхний жилийг дүүргэсэнтэй тэнцэнэ)
Эн Си Си Хөтөлбөрийн сургалтыг МУИС-ийн ЭЗС-ийн Менежментийн тэнхим удирдан явуулдаг бөгөөд хөтөлбөрийн бүх хичээл 100% англи хэл дээр, гадаад, дотоодод өндөр боловсрол эзэмшсэн, доктор, магистр цолтой багш нар зааж, оюутны мэдлэг, чадварыг системтэй үнэлж сургадаг.
МУИС-ийн ЭЗС-ийн Эн Си Си Хөтөлбөрийн үйл ажиллагаа тэлж буйтай холбоотойгоор бид Бизнесийн удирдлагын олон улсын бэлтгэл хөтөлбөр (IFY), Дөрөвдүгээр түвшний бизнесийн дипломын хөтөлбөр (Level 4 Diploma in Business), Тавдугаар түвшний бизнесийн дипломын хөтөлбөр (Level 5 Diploma in Business) – үүдийг дараалан амжилттай төгсөгчдөд хос диплом буюу МУИС-ийн ЭЗС-ийн Бизнесийн менежмент мэргэжлийн бакалаврын зэрэг давхар олгох зорилт тавин ажиллаж байна.
Бүртгэл: Хөтөлбөрт элсэхийг хүсэгчид дараах хаягаар нэмэлт мэдээлэл авах, биечлэн уулзаж бүртгүүлэх боломжтой.
МУИС-ийн Эдийн Засгийн Сургууль, 216 тоот, Менежментийн тэнхим
Утас/Факс:
77307730-4120, 351940 Цахим хаяг: www.ncc.ses.edu.mn
Цахим шуудан: NCCatSES@gmail.com
FB:
www.facebook.com/NCCatSES 
Уучлаарай энэ мэдээнд oдоогоор
сэтгэгдэл бичих боломжгүй байна.