Хачирхалтай спортын төрөл

Спорт гэдэг нь хүний бие махбодын эрүүл чийрэг байдал, сэтгэл санааны өөдрөг хандлагын эх булаг гэдгийг бид хүүхэд байхаасаа л мэддэг байсан. Тэгвэл хөл бөмбөг болон гандбол хоёрыг хослуулсан «Ultimate Tazer Ball» хэмээх спортын шинэ төрлийг танилцуулж байна. Энэхүү тоглоомонд ялагч болохын тулд аварга том бөмбөгийг эсрэг багийнхаа хаалганд оруулахаас гадна тоглогч бүрийн гарт байх цахилгаан бороохойноос зугтах ёстой ажээ.

Тоглоомонд 4 гишүүнтэй хоёр баг оролцоно. Тоглолт 7 минутын хугацаатай 3 хэсгээс бүрдэнэ. Энэ хугацаанд эсрэг багийнхаа хаалганд аль болох олон удаа гоол хийх ёстой. Бөмбөг маш том болохоор, бариад гүйхэд их хүндрэлтэй байдагт энэ тоглоомны нууц оршино. Түүнчлэн тамирчид нэг нэгнээсээ бөмбөгийг нь булааж авахын тулд “Taser”гэж нэрлэдэг цахилгаан бороохойг ашигладаг байна.

Гэхдээ тоглоомын дүрэмд бөмбөг авч яваа тоглогчийг цахилгаанаар цохиулна. Түүнчлэн бүсэлхийнээс доош тогоор цохиулах болон ухаан алдсан тоглогчийг талбай дээгүүр чирэхийг хориглодог ажээ. Тоглолтыг 3 арбитрийн шүүгч, 2 туслах шүүгч хянадаг.

Уг тоглоомыг Канадын иргэн, 25 настай Эрик Прам санаачилжээ. Тэрээр «Ultimate Tazer Ball»-ын анхны дэлхийн аваргын тэмцээнийг Бангког-т ирэх хавар хийхээр төлөвлөж байгаа бөгөөд энэ төрлийн спортын фанатуудыг татна гэдэгт найдлага тавьж байгаа юм.