Хятад дахь бэлгэвчний үйлдвэрлэл

Хятадууд байж болох бүх бүтээгдэхүүнийг үйлдвэрлэхийг зорьдог болохыг бид мэднэ. Тиймээс 5 жилийн өмнөөс тэд албан ёсоор бэлгэвч үйлдвэрлэж эхэлсэн болохыг сонсоод гайхахгүй байх. Харин 5 жилийн өмнө гэхээр арай л хожуу эхэлсэн юм биш үү гэж гайхаж л мэднэ. Ямартай ч бүгдээрээ одоо Хятадын "Safedom Comdoms" үйлдвэрийн үйл ажиллагаатай танилцацгаая.

Хятадын Чаоюань дахь бэлгэвчний үйлдвэр.

Энэхүү компани нь цагтаа маш сайн ажиллаж байжээ. Тэдний бүтээгдэхүүн нь Хятадын ДНБ-ний 8%-ийг бий болгож байсан аж. Тэр үед Хятадын зах зээлд Durex болон Contex зэрэг харийн алдартай бэлгэвчнүүд эрчимтэй зарагдаж байсан гэхэд үнэхээр том хувь сонсогдож байгаа биз?

Safedom-ын удирдлагуудын хэлснээр бусад төрлийн бэлгэвчнүүдээс тус үйлдвэрийн бүтээгдэхүүн нь бэлгийн замын халдварт өвчнийг халдах магадлалыг бараг 100% бууруулдаг гэдгээрээ онцлог ажээ.

Түүнчлэн тус компаний маркетингийн стратеги нь нилээн сонирхолтой. Учир нь тэд бүтээгдэхүүнээ эхний ээлжинд зөвхөн эмэгтэй хэрэглэгчдэд л зориулан сурталчилдаг байна. Тэдний хэрэглэгчдийн тавны дөрөв нь эмэгтэйчүүд байдаг бөгөөд зах зээл дээр өндөр ашигтай байдгийн нэг шалтгаан нь энэ.

Компаний үйлдвэрийн байр нь Цаоюань хотын захад, Яньтай хотын ойролцоо байрладаг байна. Эндэхийн мянга мянган ажилчид нь бүтээгдэхүүн тус бүрийг электрон шалгагчийн тусламжтайгаар нарийн шалгадаг ажээ. Дараагаар нь бат бөх бөгөөд чанарын шаардлага хангасан бүтээгдэхүүнүүдээ савладаг байна.